Bas uıym baǵdarlamasynyń úzdigi

Qazaqstannyń iri ýnıversıteti – ál-Farabı atyndaǵy QazUÝ-ge turaqty damý boıynsha «United Nation Academic Impact» (BUU Akademııalyq yqpal) jahandyq habyn basqarý senip tapsyrylyp otyr. Bul resmı sheshim BUU shtab-páterinen kelip tústi. Abyroıly halyqaralyq qurylym QazUÝ-diń bilim men ǵylymnyń kóshbasshysy ekenin dáleldeı tústi. Elbasy «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýynda «Máńgilik El» ulttyq ıdeıasynyń bas­ty qundylyqtaryn nyǵaıtý kerektigin aıtty. Onyń ishinde ulttyq qaýipsizdik jáne jalpybeıbitshilik pen aımaqtyq máselelerdi sheshýde bizdiń elimizdiń jahandyq qatysýy mańyzdy orynǵa ıe. BUU bastamasymen QazUÝ-de UNAI habyn qurý Elbasy ıdeıasyn iske asyrýǵa, Almaty qalasyn kópjaqty dıplomatııalyq aımaqtyq ortalyǵyna aınaldyrýǵa, Qazaqstannyń álemdik úderistegi jahandyq máselelerdi sheshý isinde róli men bedeliniń ósýine óz septigin tıgizedi. BUU tańdaýy kezdeısoq emes: BUU-nyń álemdik moıyndalǵan on prınsıpterin adam quqyǵy, saýattylyǵy, turaqty damý jáne qaqtyǵystardy sheshýge negizdelgen «Akademııalyq yqpal» baǵdarlamasyna QazUÝ Ortalyq Azııa ýnıversıtetteri ishinde birinshi bolyp qosyldy. Atalǵan baǵdarlama aıasynda ýnıversıtet ózin jetekshi ǵylymı-akademııalyq ortalyq retinde baıqatyp, ǵalymdardy belsendi túrde osyǵan baýlyǵan jáne ǵylymı-bilim berý ortasyn jahandyq máselelerdi sheshý quraly retinde paıdalana bildi. Qazaqstandaǵy BUU ókildiginiń jáne Almatydaǵy AQSh-tyń bas elshiliginiń qoldaýymen QazUÝ «BUU modeli – Jańa Jibek joly» álemdik stýdenttik baǵdarlama-oıynynyń kópten beri bir bólshegi bolyp keledi. Bul bolashaq mamandardy BUU qaǵıdattaryna jáne qaýipsizdik máselelerin sheshýge jańa qabiletterdi qalyptastyrýǵa tartý bolyp tabylady. Úsh jyldan astam turaqty damý boıynsha «Global Classroom» baǵdarlamasy qarqyndy jumys istep keledi. 2011 jyly QazUÝ BUU qoldaýymen «HHI ǵasyrdaǵy qaqtyǵystardyń qubylmaly tabıǵaty» halyqaralyq ǵylymı-teorııalyq konferensııasyn ótkizdi. 2012 jyly TMD elderiniń joǵary oqý oryndary arasynda birden-bir bilim ordasy – QazUÝ Brazılııada ótken «RIO+20» ǵalamdyq sammıti BUU-nyń Álemdik forýmynda Elbasynyń «Energııa-ekologııalyq damýdyń jahandyq damýy» jáne «Jasyl kópir» ıdeıalaryn qoldaýǵa negizdelgen «Jasyl kópir: urpaqtan – urpaqqa» atty jobasyna jeke seksııasyn ashty. О́tken jyly ýnıversıtet rektory Ǵalymqaıyr Mutanov IýNESKO-nyń bilim berý salasy boıynsha bas dırektorynyń orynbasary Sıan Tanmen Parıjdegi kezdesýinde IýNESKO – UNITWIN baǵdarlamasyna sáıkes QazUÝ-de turaqty damý boıynsha aımaqtyq habyn qurý týraly sheshim qabyldandy. Ál-Farabı atyndaǵy QazUÝ-de UNAI habynyń ashylýy adamzat qoǵamy damýynda jahandaný trendi bolyp tabylatyn ýnıversıtettiń turaqty damý boıynsha kóshbasshylyq rólin aıǵaqtaıdy. Osy jyldyń mamyr aıynyń basynda QazUÝ-de álemdik deńgeıdegi úlken is-shara – III Azııa ýnıversıtetteri rektorlarynyń forýmy ótedi. Ol Azııalyq aýmaqtaǵy qaýipsizdik pen jarqyn bolashaq úshin ıntegrasııalyq úderistiń myqty qozǵaýshy kúshi bolmaq. Qorǵanbek AMANJOL, «Egemen Qazaqstan». ALMATY.