Aımaqtar • 07 Qazan, 2021

Kezekti kelisimge qol qoıdy

67 ret kórsetildi

«QTJ» UK» AQ men Alstom kompanııasy kezekti kelisimge qol qoıdy. Qol qoıý rásimi «Elektrovoz qurastyrý zaýyty» alańynda «QTJ» UK» AQ basqarma tóraǵasynyń birinshi orynbasary Qanat Álmaǵambetov pen Alstom-nyń Batys jáne Ortalyq Azııadaǵy basqarýshy dırektory Gııom Trıtterdiń qatysýymen ótti.

«Zaýyttyń tabysty jumysy – Qazaqstan men Fransııanyń jemisti yntymaqtastyǵynyń jarqyn mysaly. «QTJ» UK» AQ – zaýyttyń negizgi tapsyrys berýshisi. 2029 jylǵa deıin zaýytta bizdiń tapsyrysymyz bar. Bul kásiporynnyń turaqty jumys isteı alatynyn kórsetedi. Qazaqstanda jınalǵan lokomotıvter, 1 520 joltabandy keńistiktegi eń ozyqtary. Búgin qol qoıylǵan kelisim bizdiń qarym-qatynasymyzdy tereńdetedi jáne ony jańa jaǵdaıda damytýǵa múmkindik beredi», dedi Q.Álmaǵambetov.

2029 jylǵa deıin zaýyt 369 elektrovoz, onyń ishinde 250 júk jáne 119 jolaýshy tasymaldaıtyn elektrovoz shyǵarady. Búgingi tańda qazaqstandyq zaýyt konveıerinen 95 júk jáne 27 jolaýshylar elektrovozy shyqsa, sonyń ishinde 24 júk lokomotıvi Ázerbaıjanǵa eksporttaldy. Mashına 9 myń tonnaǵa deıin tartýǵa qabiletti, -50-den +50 s deıingi temperatýrada jumys isteýge arnalǵan. Elektrovoz kabınasynda brıgada jumysy úshin qolaıly jaǵdaılar jasalǵan.

Gııom Trıtterdiń aıtýynsha, Qazaqstanda Alstom óndiristi lokalızasııalaýdy ulǵaıtady.

«Eger 9 jyl buryn, zaýyt qurylǵan jyly jergilikti qamtý 4 paıyzdy ǵana qurasa, búginde biz óz óndirisimizdi jergiliktendirý deńgeıin damyta otyryp, 30 paıyzǵa jetkizdik. Bul zaýytqa eýropalyq tehnologııany berýdiń jáne tartý transformatorlaryn shyǵarýdy uıymdastyrý arqyly múmkin boldy», dedi ol.

Sonymen qatar osy jyldyń jazynda zaýyt Qazaqstanda tolyq qurastyrylǵan alǵashqy jolaýshylar lokomotıvin shyǵardy. Zaýytta 850 adam eńbek etse, sonyń 95%-y – jergilikti kadrlar.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar