Bilim • 07 Qazan, 2021

Jeke ınvestorlar joǵary deńgeıge jetkizbek

47 ret kórsetildi

Almatyda bıyl birinshi ret qalalyq bilim basqarmasy 2020 jyly úzdik nátıje kórsetken memlekettik mektepterdiń reıtıngisin jasady. Baǵalaý barysynda mektepterdegi úzdik jáne ekpindi oqýshylardyń sany men oqýshylardyń olımpıadalarǵa qatysýy da eskerilgen. Almatynyń eń jańa aýdany – Naýryzbaı aýdanynyń mektepteri qalanyń 5 úzdik bilim berý mekemesiniń qataryna qosyldy.

Qalalyq reıtıngte birinshi orynǵa 97,74% nátıjemen 32 mektebi bar Áýezov aýdany or­nyqty. Ekinshi orynda Almaly aýdany – 90,31%, munda 29 mektep jumys isteıdi. Túrksib aýdany 87,26% kórsetkishpen úzdik úshtikti túıindep otyr. Qalaǵa keıin qosylǵan Naýryzbaı aýdany mektepterdiń qalalyq reıtınginde tórtinshi oryndy ıelendi. Qazirgi kezde aýdannyń 9 mektebinde 16 myńǵa jýyq bala oqıdy, árbir úshinshi bala úzdikter qatarynda, oqý­shy­lardyń 40%-dan astamy – oqý ekpindileri, al 2020 jylǵy olımpıadaǵa 340 oqýshy qatys­ty. Sol sııaqty jyl saıyn qazaq mektepteri oqý úderisine jańa­shyldyq engize otyryp, kóshbasshylyq oryndar úshin jarysqa túsip otyr.

2021 oqý jylynda Premer-Mınıstr Asqar Mamın BINOM School, ıaǵnı qazaqstandyq bilim berý úderisine ozyq ádister­di en­gizý­diń jańa brendin usyn­ǵan bo­latyn. Mundaı format­taǵy mek­tepter ázirge elordada ǵana ashy­lyp jatyr. О́z keze­ginde, al­ma­tylyq mektepter de jańa­shyl­­dyqqa umty­la­dy. My­saly, mu­ǵa­lim­der kúni qar­sańynda Naý­ryz­baı aýdanynyń №174 mektep-gım­nazııasynda robottehnıka syny­by ashyldy. Qazirgi tańda bul mek­tep qala mektepteriniń reı­tın­gi­sinde 59-orynda tur. Osy №174 gımnazııasyn 2017 jy­ly «Sábı» qaıyrymdylyq qo­ry sa­lyp, paıdalanýǵa bergen bolatyn (quryltaıshy­lary – ınvestor Keńes Raqyshev pen ekolog Ásel Tasmaǵambetova). Bul osy ýaqytqa deıin jeke qarajat ese­bi­nen osyndaı masshtabtaǵy (12 myń sharshy metr, 1 200 oqý­shy, 3 gek­tar aýmaq) nysannyń sal­y­­nyp, qalaǵa tegin syıǵa tar­­tyl­ǵan birden-bir mysaly. «Sábı» qory robottehnıka saba­­ǵyn uıymdastyrýǵa ketken shyǵyn­dardy da óz moınyna aldy.

Mamandandyrylǵan keńsede kúrdeli jóndeý júrgizildi, 16 zamanaýı noýtbýk, eki 3D prınter, 3D skaner, ınteraktıvti panel jáne basqa da ınnovasııalyq qu­rylǵylar ornatyldy. Joba­nyń jalpy quny 10,6 mln teńgeden asty.

«Biz bul mektepti Almaty qalasynyń ákimdigine tapsyr­ǵannan keıin de bilim berý meke­mesine qoldaý kórsetýdi jal­­ǵastyryp jatyrmyz. Júıe­li túrde joǵary synyp oqý­shylary úshin kásibı testileý ótkizemiz. Túlekterdi joǵary oqý oryndaryna túsýge daıyn­daımyz jáne bilim granttaryn alýǵa múmkindik bere­miz, shet tilderin, matematıka men baǵdarlamalaýdy tereń­de­tip oqytý kýrstaryn uıym­das­tyryp júrmiz. Maqsat – mek­tep ákimshiligimen birlese oty­ryp, osy jobalar arqyly №174 gım­nazııany Almaty qala­sy­nyń úzdik mektepteriniń reı­tıngine shyǵarý. Biz jańa robotteh­nı­ka synybyn ashqannan keıin, oqý­shylardyń joǵary nátıje­lerge jetýge qosymsha yntalandyrý bolady dep úmittenemiz», deıdi «Sábı» qorynyń negizin qalaýshy Ásel Tasmaǵambetova.

Sońǵy jańalyqtar

Uqsas jańalyqtar