Keshe Eńbek jáne halyqty áleýmettik qorǵaý mınıstrliginde Premer-Mınıstrdiń orynbasary Gúlshara Ábdiqalyqovanyń qatysýymen keńeıtilgen alqa otyrysy ótip, onda Memleket basshysynyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn iske asyrý aıasynda áleýmettik eńbek salasyn damytýdaǵy negizgi mindetter talqylandy. Jıynda negizgi baıandamany Eńbek jáne halyqty áleýmettik qorǵaý mınıstri Tamara Dúısenova jasady.
«О́tken jyly áleýmettik damytýdyń kóptegen arqaýlyq kórsetkishteri boıynsha oń nátıjelerge qol jetkizilip, halyqty jumyspen qamtý deńgeıi arttyryldy. Búgingi tańda 95 paıyz eńbek etýge qabiletti qazaqstandyq azamattyń jumysy bar, «Jumyspen qamtýdyń jol kartasy-2020» baǵdarlamasyn iske asyrý jalǵastyrylýda. Osynyń aıasynda 250 myńnan astam adam jumysqa ornalasty. Jalaqy, áleýmettik tólemder men járdemaqylardy arttyrý boıynsha da josparly jumystar júrgizilýde. Ekonomıkalyq qyzmettiń túrleri boıynsha ortasha aılyq jalaqy 108 640 teńgeni qurap, 2012 jylǵy deńgeıden 7,5 paıyzǵa artty», dedi mınıstr T.Dúısenova.
4 mıllıonǵa jýyq adam áleýmettik tólem túrlerin alsa, balaly otbasylardy qoldaý bala týý sanynyń artýyna oń yqpal etken. Sońǵy on jyl ishinde bala týý sany bir jarym esege ósken. Eki júz myńdaı otbasy 4 jáne odan da kóp bala tárbıelep otyr.
Múmkindigi shekteýli jandardyń tynys-tirshiligi úshin laıyqty orta qurý, ońaltý jáne qajetti jaǵdaı jasaý sharalary qabyldanýda. Sondaı-aq, tabysy az halyqty áleýmettik qoldaý maqsatynda jumyspen qamtýǵa yqpal etýde de sharalar qabyldanýda jáne áleýmettik járdemaqylar da tólenýde.
90 myńnan astam adamǵa tegin arnaýly áleýmettik qyzmet kórsetiledi. Áleýmettik qamsyzdandyrý júıesin reformalaý nátıjesinde jumys istep turǵan áleýmettik medısına mekemeleriniń balamaly nysanyna aınalǵan 35 kúndiz qabyldaý mekemesi qurylyp, onda 3 myńnan astam adamǵa qyzmet kórsetilýde. 343 múgedek bala psıhonevrologııalyq MÁM-nen otbasylaryna oraldy. Balalaryna kúndiz bolý bólimshelerinde qyzmet kórsetiletin 410 ata-ana jumysqa ornalasyp alǵan.
Jumys berýshilerdiń eńbek jaǵdaılaryn únemi jaqsartyp turýǵa qyzyǵýshylyǵyn arttyrý maqsatynda zeınetaqymen qamsyzdandyrý týraly zańnamaǵa ózgeris engizilgen. О́ndiristik obektilerdi attestattaý nátıjelerimen rastalǵan zııandy (erekshe zııandy) jáne qaýipti eńbek jaǵdaılary bolmaǵan jaǵdaıda jumys berýshiler mindetti kásiptik zeınetaqy jarnalaryn tóleýden bosatylmaq.
Mınıstr T.Dúısenova otyrysta Elbasynyń bıylǵy Joldaýyndaǵy tapsyrmalarǵa oraı bıylǵy jylǵa arnalǵan basty mindetterdi de belgiledi. «Jumyspen qamtýdyń jol kartasy-2020»-nyń tıimdiligin arttyrý boıynsha Shyǵys Qazaqstan, Soltústik Qazaqstan jáne Pavlodar oblystarynda baǵdarlamaǵa qatysýǵa úmitkerler arasynda kásibı baǵdarlaýdy engizý tetikteri synalmaq. Almaty, Aqmola, Shyǵys Qazaqstan, Pavlodar oblystarynda qanatqaqty rejimde tirek aýyldardy keshendi damytý tetikteri synalatyn aýyldyq eldi mekender belgilenbek. Burynǵy jeke bıznesin ashýǵa azamattarǵa qoldaý kórsetilgen kezdegi sharttardan ereksheligi, memlekettik qoldaý sharalary azamattardyń nátıjeli jumyspen qamtylýyn qamtamasyz etý úshin damý áleýeti joǵary aýyldardy damytýǵa shoǵyrlandyrylmaq. Sonymen qatar, baǵdarlamany qarjylandyrýda jańa tásilder engizilýde. Kelesi jyldan bastap bıýdjet qarajaty 80 paıyz halyqtyń sanyna tepe-teń túrde, 20 paıyz ótken kezeńdegi jumys nátıjesine baılanysty bólinetin bolady.
Alqa otyrysyn qorytyndylaǵan Premer-Mınıstrdiń orynbasary Gúlshara Ábdiqalyqova alda azamattyq qyzmetshilerdiń eńbekaqysynyń jańa úlgisin ázirlep, 2015 jylǵy 1 shildeden bastap engizý mindeti turǵanyn aıtty. Sondaı-aq, ol áleýmettik kómek kórsetý tártipterin odan ári jetildirý qajettigin de nazardan tys qaldyrmady.
Ábdirahman QYDYRBEK,
«Egemen Qazaqstan».
