«Qaıyrymdylyq kerýeni-2021» baıqaýy halyqtyń azamattyq bastamalaryn jandandyrýǵa jáne adamgershilik qundylyqtardy, sonyń ishinde meıirimdilik, qaıyrymdylyq, qamqorlyq pen gýmanızmdi nyǵaıtýǵa baǵyttalǵan. Konkýrs tarıhynda búkil Qazaqstan boıynsha 1000-nan astam ótinim qabyldandy, olardyń basym bóligi ótken jyly tústi (670 ótinim). Tek Nur-Sultan qalasy boıynsha 2020 jyly 100-ge jýyq ótinim kelip tústi. Esterińizge sala keteıik, О́tken aptada Táýelsizdik saraıynda Nur-Sultan qalasynan «Qaıyrymdylyq kerýeni-2020» baıqaýyna qatysýshylardy marapattaý rásimi ótti.
Nur-Sultan qalasy boıynsha Isker áıelder qaýymdastyǵynyń tóraıymy Sánııa Irsalıevanyń aıtýynsha, aǵymdaǵy jyly baıqaý laýreattary 7 nomınasııa boıynsha anyqtalady: «Asar» (halyqtyq salt-dástúrlerge baılanysty qaıyrymdylyq qyzmeti, sondaı-aq kómek kórsetý úshin), «Týǵan jer» (bilim berý, ekologııa jáne abattandyrý, mádenı nysandardy qalpyna keltirý salasyndaǵy týǵan ólkege qaıyrymdylyq kómek jáne t.b.), «Batyl júrek» (batyrlyq, batyldyq jáne qaısarlyq, sondaı-aq osy nomınasııada shuǵyl qyzmet mamandary arasynda taǵy bir jeńimpazdy anyqtaı alady), «Meıirim» jolda (belgili bir ýaqyt ishinde turaqty óteýsiz kómek kórsetý), «Qaıyrymdylyq tarıhy» (BAQ-ta qaıyrymdylyq taqyrybyndaǵy úzdik jarııalanym jáne qoǵamnyń nazaryn áleýmettik problemalarǵa aýdaratyn materıaldardy ornalastyrý), «Bala júregi» (tótenshe jaǵdaılarda adamdardy qutqarý kezinde batyldyq pen erlik kórsetken 6 jastan 18 jasqa deıingi balalar men jasóspirimder, sondaı-aq qaıyrymdylyq qyzmeti men eriktiler qozǵalysyna qatysý) jáne «Janýarlarǵa meıirim» (janýarlardyń quqyq qorǵaýshysy bolyp tabylatyn laýreat olardy kútip-baǵýǵa kómektesedi, sondaı-aq janýarlar álemine meıirimdilik pen qaıyrymdylyqty nasıhattaıdy).
«Qazaqstanda jaqsylyq jasaıtyn adamdar óte kóp ekenine senimdimin. Bizdiń mindetimiz – basqalarǵa úlgi bolýǵa laıyq ıgi ister men amaldardy tabý jáne jurtqa aıtý. Eger 2018 jyly baıqaýǵa Qazaqstannyń ár óńirinen 100-ge jýyq adam qatyssa, kelesi jyly qatysýshylar sany 230-ǵa deıin artty», - dedi Sánııa Yrsalıeva.
Aıta keteıik, baıqaýǵa óziniń belsendi azamattyq ustanymy, ıgi isteri men is-áreketteri arqyly qalanyń áleýmettik jáne qoǵamdyq máseleleri men mindetterin sheshýge úles qosatyn jeke jáne zańdy tulǵalar qatysa alady. Orta jáne iri kásipkerlik ókilderine, sondaı-aq qaıyrymdylyq qyzmeti memlekettik qoldaýmen (memlekettik grant, memlekettik tapsyrys jáne t.b.) baılanysty jeke jáne zańdy tulǵalarǵa qatysýǵa tyıym salynady.
Nur-Sultan qalasy Ishki saıasat basqarmasynyń basshysy Dáýren Babamuratov atap ótkendeı, «Qaıyrymdylyq kerýeni» baıqaýy mindet boıynsha emes, júrek qalaýy boıynsha kómek qolyn sozatyn elorda turǵyndaryn anyqtaýǵa baǵyttalǵan.
«Bul adamdar táýekelge bara otyryp ózgelerge qol ushyn sozady. Eger siz qaıyrymdylyqpen aınalysqan jandar jaıly biler bolsańyz bizge habar berińiz. Nur-Sultan ákimdigi ıgi istermen aınalysatyn jandardyń azamattyq bastamalaryn qoldaýǵa ylǵı da daıyn», dedi Dáýren Babamuratov.
Baıqaýdy Nur-Sultan qalasy ákimdiginiń qoldaýymen Nursultan Nazarbaev Qory men Qazaqstannyń isker áıelder qaýymdastyǵy uıymdastyrady.
Konkýrsqa qatysýǵa ótinimderdi qabyldaý 2021 jylǵy 30 qarashaǵa deıin jalǵasady. Odan ári «Qaıyrymdylyq kerýeni-2021» atqarýshy komıteti fınalısterdi tańdap, jeńimpazdardy anyqtaýy kerek. Saltanatty marapattaý rásimi 2022 jyldyń 26 aqpanynda Túrkistan qalasynda ótedi.
