Medısına • 08 Qazan, 2021

Dárigerler tapshylyǵy qalaı sheshilip jatyr?

152 ret kórsetildi

Byltyr Densaýlyq saqtaý mınıstrliginiń Densaýlyq saqtaýdy damytý respýblıkalyq ortalyǵynyń bas dırektory Qanat Tósekbaev elimizdegi dárigerler tapshylyǵy, medısına qyzmetkerleriniń jalaqysy, jumystan ketýi, shetelge kóshýi týraly baıandaǵan edi. Ásirese indet beleń alǵan kezde Almaty, Aqmola, Atyraý, Jambyl, Qostanaı jáne Túrkistan oblystarynda medısınalyq kadrlardyń jetispeýshiligi anyq baıqaldy.

Jalpy, byltyr elimizde medısına qyzmetkerleriniń tapshylyǵy 5 201 mamandy qurady. Eń joǵary qajettilik – Qostanaı oblysynda. Onda 624 dáriger jetispeıtini málim boldy. Q.Tósekbaev ótken jyly medısınalyq kadrlardyń jumystan shyǵýynyń negizgi sebepteriniń biri syrtqy kóshi-qon, ıaǵnı medısınalyq kadrlardyń elden ketýi ekenin atap ótti.

«Qazirgi kezde Qazaqstannyń birqatar aımaǵynda dárigerlerdiń kóship ketýi baıqalady. Bul aımaqtar – Shyǵys Qazaq­stan, Soltústik Qazaqstan jáne Qaraǵandy oblystary. Atalǵan úsh óńir medısınalyq kadrlardyń syrtqy kóshi-qon boıynsha kósh bastap tur. 2017 jyly ortasha eseppen 1 062 adam, 2018 jyly 1 225 kadr, 2019 jyly 1 212 qyzmetker shetelge qonys aýdarǵan. Dıplom alǵan kadrlardyń ishki kóshi-qon da artyp otyr», dedi.

Endeshe, osy másele áli de «qyzyl aımaqta» turǵan Almaty qalasynda qalaı sheshimin taýyp otyr? Sonymen orta medısınalyq qyzmetkerlerdi daıarlaý úshin Almaty qalasynyń ákimdigi kolledjde oqý úshin 391 grantqa qarjy bóldi. Bul týraly Prezıdent janyndaǵy Ortalyq kommýnıkasııalar qyzmetiniń baspasóz konferensııasynda qala áki­miniń orynbasary Erjan Babaqumarov baıandady.

Bıyl qala ákimi Baqytjan Saǵyntaev medısına kadrlarynyń tapshylyǵyn tómendetý boıynsha Jol kartasyn bekitti. Jol kartasynyń is-sharalary aıasynda óte tapshy dárigerlik mamandyqtar boıynsha rezıdentýrada oqý úshin 120 grantqa jergilikti bıýdjetten qarjy bólindi. Rezıdentterdi oqytý 1 qyr­kúıek­te bastaldy.

«Medısına kadrlarynyń tapshylyǵy koronavırýs ınfeksııasyn emdeýge ar­nalǵan jańa stasıonarlar – eki mo­dýl­dik stasıonar jáne Degdardaǵy Jekenova atyndaǵy qalalyq klınıkalyq juq­paly aýrýlar aýrýhanasynyń fılıaly, sondaı-aq «Halyq Arena» ke­sheni jáne basqa da nysandar iske qo­sylǵan kezde týyndady. Keıin indettiń tórtinshi tolqyny kezinde eki jataqhana, qonaqúı bazalarynda ın­feksııalyq tó­sektik oryndar ashyldy, ın­feksııalyq stasıonarlardaǵy jumys úshin tólem­niń aıyrmashylyǵyna baılanysty MSAK uıymdarynan ınfeksııalyq sta­sıonarlarǵa ýaqytsha jumysqa medı­sı­na kadrlary aýystyryldy», dedi E.Babaqumarov.

Búginde turaqtalý qarqynyna sáıkes KVI-di emdeýge tartylǵan kópbeıindi stasıonarlar burynǵy jumys yrǵaǵyna qaıta oralǵan. Josparly emdeýge jat­qyzý jalǵasyp jatyr.

2021 jylǵy 1 qyrkúıektegi jaǵdaı boıynsha qalada dárigerler tapshylyǵy 215 birlikti, orta medısınalyq personal 400-ge jýyq shtattyq birlikti qurady. Orta medısınalyq qyzmetkerlerdi daıarlaý maqsatynda kolledjde oqytýǵa 391 grant qarjysy bólindi.

Sondaı-aq KVI-men kúreske tar­tyl­ǵan qyzmetkerlerdi yntalandyrý boıynsha is-sharalar kózdelgen. Mamandar úshin 10 páter bólindi, 300 jas maman «Almaty Jastary 3.0» turǵyn úı baǵdarlamasyna qatysýǵa múmkindik aldy.

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar