Sonymen qatar suranysqa ıe mamandyqtar boıynsha bilim granttarynyń sany 50%-ǵa ósedi.
Onyń aıtýynsha, ulttyq joba aıasynda qoljetimdi jáne sapaly tehnıkalyq jáne kásiptik bilimmen qamtamasyz etý kózdelip otyr.
2025 jylǵa qaraı suranysqa ıe mamandyqtar boıynsha jastardy tegin tehnıkalyq jáne kásiptik bilimmen 100% qamtý kózdelgen. Kolledjderge akademııalyq derbestik beriledi jáne barlyq oqý baǵdarlamasy eńbek naryǵynyń talaptaryna sáıkes jańartylady. Jergilikti bıýdjet esebinen kolledjderdi zamanaýı oqý-óndiristik sheberhanalarmen jabdyqtaý jumystary júrgiziledi, dedi Ashat Aımaǵambetov.
Barlyq kolledjde WorldSkills talaptaryn eskere otyryp, quzyrettilikterdi anyqtaıtyn demonstrasııalyq emtıhan engiziledi. Dýaldi oqytýǵa qatysatyn kásiporyndardy yntalandyrý esebinen 2025 jylǵa qaraı dýaldi oqytýmen qamtý ósedi.
Sonymen qatar qazaqstandyq joǵary oqý oryndarynyń básekege qabilettiligin arttyrý da josparlanyp otyr.
Suranysqa ıe mamandyqtar boıynsha bilim granttarynyń sany 50%-ǵa ósedi. Sondaı-aq oqý baǵdarlamalary jańa jaǵdaılarǵa beıimdeledi. Ol úshin ınnovasııalyq baǵdarlamalar ázirlenedi, bilim berý baǵdarlamalary eńbek naryǵynyń talaptaryna sáıkes jańartylady, dep aıtty BǴM basshysy.
Mınıstr baıandaǵandaı, qazaqstandyq JOO-nyń básekege qabilettiligin arttyrý maqsatynda 20 akademııalyq artyqshylyq ortalyǵy jáne Nazarbaev Ýnıversıtetiniń tájirıbesi boıynsha 2 ozyq joǵary oqý orny qurylady.
Sonymen birge 2025 jyldyń sońyna deıin sheteldiń 5 joǵary oqý ornynyń fılıalyn ashý josparlanyp otyr.
