Bul týraly Eńbek jáne halyqty áleýmettik qorǵaý mınıstrligi málim etti.
«2021 jyldyń qyrkúıek aıynda respýblıkalyq bıýdjetten zeınetaqy tólemderine 221,2 mlrd teńge, onyń ishinde bazalyq zeınetaqy tóleýge – 67,9 mlrd teńge, yntymaqty zeınetaqy tóleýge – 153,3 mlrd teńge bólindi. 2021 jylǵy 1 qazandaǵy jaǵdaı boıynsha zeınetkerler sany 2 mln 229 myń adamdy quraıdy.
Zeınetaqy tólemderiniń ortasha mólsheri (onyń ishinde bazalyq zeınetaqy) 2021 jylǵy 1 qazandaǵy jaǵdaı boıynsha 99 887 teńgeni qurady», delingen vedomstvo habarlamasynda.
Aıta keteıik, 2018 jylǵy 1 shildeden bastap memlekettik bazalyq zeınetaqy tólemi, onyń júıesindegi tájirıbesin eskere otyryp, ár alýshyǵa jeke taǵaıyndalady.
«Zeınetaqy júıesindegi jumys ótili 10 jyl nemese odan az bolsa, sondaı-aq eger múlde joq bolsa, bazalyq zeınetaqy eń tómengi kúnkóris deńgeıiniń 54%-yn quraıdy, sodan keıin 10 jyldan asqan ár jyl úshin onyń mólsheri 2%-ǵa artady. Mysaly, siz 20 jyl qatyssańyz, bazalyq zeınetaqy kúnkóris deńgeıi qunynyń 74%-yn, 30 jyl – kúnkóris qunynyń 94%-yn quraıdy. 33 jáne odan da kóp jyl jumys ótili bolsa, kúnkóris qunynyń 100% joǵary mólsherinde belgilenedi.
Osylaısha, mindetti zeınetaqy jarnalary neǵurlym turaqty jáne tolyq salynatyn bolsa, zeınetaqy jasyna jetkende bazalyq zeınetaqy tólemderiniń mólsheri soǵurlym kóp bolady», dep jazady Eńbek mınıstrligi.
