Fotogalereıa • 13 Qazan, 2021

Qazaqstandyq ǵalym Elbrýs taýyna jasalǵan ekspedısııaǵa qatysty

672 ret kórsetildi

2021 jyldyń 29 qyrkúıeginen 10 qazanyna deıin birneshe eldiń, sonyń ishinde Qazaqstannyń ǵalymdary Elbrýs taýyna ekspedısııaǵa bardy, dep habarlaıdy Egemen.kz.

Ekspedısııanyń maqsaty – taýdyń ońtústik betkeıleriniń negizgi obektilerine keshendi ekologııalyq zertteý júrgizý.

Bizdiń eldiń atynan «QazaqGeography» RQB qyzmetkeri, ǵalym, geoekolog Aıda Tabelınova qatysty. Aıda – landshafttaný, geografııa jáne GAJ-kartografııalaý salasynyń mamany. Onyń ekspedısııadaǵy basty mindetteriniń biri – ulttyq parktiń landshaftyq erekshelikterin zertteý, sondaı-aq rekreasııalyq syıymdylyqty azaıtý maqsatynda aýmaqtardy landshaftyq josparlaý jónindegi baǵdarlamany jasaý. Rekreasııalyq syıymdylyq – bul demalys ornynda bir ýaqytta bola alatyn, tabıǵattyń turaqty jaıyn buzbaıtyn rekreant (demalýshy), kólik sany.

v

Ekspedısııa kezinde bir top ǵalym Prıelbrýse ulttyq parkiniń ekologııalyq soqpaqtaryn zerttep, onyń sapasyn anyqtaý úshin sý synamalary alyndy, sondaı-aq geoekologııalyq kartalar jasaldy. Mundaı tájirıbe elimizdegi ulttyq parkterdi zertteý úshin de paıdaly bolatyny sózsiz.

p

Aıda Tabelınovanyń aıtýynsha, Qazaqstanda jáne basqa postkeńestik elderde ekotýrızmdi damytý, onymen birge júretin rekreasııalyq júkteme máselesi áli kúnge deıin ózekti bolyp qala beredi. О́kinishke qaraı, júktemeni múmkindiginshe dál anyqtaıtyn biryńǵaı, jalpy qabyldanǵan esepteý ádisi joq. Al esepten qatelessek, landshaft pen ekologııaǵa zııan tıgizýimiz múmkin.

Alaıda Orys Geografııalyq qoǵamynyń Qoryq mektebi aıasynda júrgizilgen zertteýlerdiń arqasynda ǵalymdar óz usynystaryn berýge daıyn.

vv

«Búginde «QazaqGeography» «Sharyn», «Altyn Emel» ulttyq parkterinde ekologııalyq týrızmdi damytýmen aınalysady. Sondyqtan Prıelbrýsede alǵan tájirıbemiz elimizdegi ulttyq parkterde osyndaı jobalardy zertteý úshin negiz bolady. Sonymen qatar bul qorshaǵan ortaǵa zııan keltirmesten ekotýrızmdi tanymal etýge kómektesedi», deıdi Aıda Tabelınova.

vv

«10 kúndik ekspedısııa nátıjesinde 40 lıtrden astam tabıǵı sý úlgileri jınalyp, ulttyq park aýmaǵy boıynsha 12 marshrýt oryndaldy. Zertteý barysynda Elbrýstyń ońtústik betkeıindegi qar men muzdyqtardyń keshendi áseri, týrıstik ınfraqurylymnan lastanǵan negizgi ortalyqtar, ulttyq parkti landshaftyq aımaqtarǵa bólý máseleleri anyqtaldy. Sonymen qatar Elbrýs aımaǵyndaǵy tabıǵı-aýmaqtyq keshenderdiń ekologııalyq syıymdylyǵyna aldyn ala baǵalaý júrgizildi»,  dep qorytyndylady ekspedısııanyń ǵylymı keńesshisi, M. V. Lomonosov atyndaǵy MMÝ Geografııa fakýltetiniń aǵa ǵylymı qyzmetkeri Alekseı Maslakov.

OGQ Qoryq mektebiniń jumysy kezinde alynǵan nátıjeler jyl sońyna deıin Reseıdiń Tabıǵı resýrstar jáne ekologııa mınıstrligine usynylýy kerek esepke engizilip qana qoımaıdy, sonymen qatar Reseı Geografııalyq qoǵamynyń «Geography Environment Sustainability» jýrnalynda  da jarııalanady.

Sońǵy jańalyqtar

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Dennı Dıgnam Jánibekpen jekpe-jekke daıyn

Kásipqoı boks • Búgin, 11:43

Dollar baǵasy arzandady

Ekonomıka • Búgin, 11:32

WBO Andradeni qorǵaýǵa kóshti

Kásipqoı boks • Búgin, 09:55

Uqsas jańalyqtar