Qutqarýshy-ushqyshtardyń daıyndyq deńgeıi joǵary

Dóńgelek ústel sheńberinde qatysýshylarǵa qutqarýshy-ush­qysh­tardyń daıyndyq deńgeıi kór­setildi, sondaı-aq jeke qaýipsizdik deńgeıi retinde daıarlaý algorıtmi jáne avıatorlardyń qaýyrt qyz­metiniń yqtımal emosııalyq buzy­lýynyń aldyn alý kórsetildi. Budan ári qural-jabdyqtarmen (psıho-Qoldanbaly tehnologııa­lar), sondaı-aq ushqysh-qutqa­rýshylarmen jumys isteýge ar­nalǵan kásibı psıhologııalyq daıyndyq ortalyǵynyń qyz­me­timen tanysty. Tótenshe jaǵ­daılar mınıstriniń bastamasy boıynsha «Qazavıaqutqarý» AQ bazasynda «kásibı psıhologııalyq daıyndyq ortalyǵy» (budan ári – Ortalyq) qanatqaqty jobasy quryldy. Ortalyqtyń ne­giz­gi ıdeıasy qyzmetkerdiń eks­tremaldy jaǵdaılarǵa psıholo­gııalyq turaqtylyǵyn, oılaý je­­deldigin arttyrýǵa, sondaı-aq qyz­metkerlerdegi kásibı stress­tiń teris saldary retinde kásibı sharshap qalý qaýpin azaı­týǵa baǵyttalǵan. Maqsaty – TJM qyzmetkerleriniń jeke qaýip­siz­digin qamtamasyz etý men fı­zıkalyq jáne psıhıkalyq densaýlyǵyn saqtaý.

Kásibı-psıhologııalyq daıyn­dyq ortalyǵy qutqarýshylar, ush­qyshtar jáne ınjenerlik-avıa­­sııalyq quram úshin psıho­logııalyq densaýlyqty jáne qyzmettiń joǵary ónimdiligin qoldaý úshin quryldy. Ortalyq aǵzanyń neırokognıtıvtik jáne neı­romotorlyq fýnk­sııala­ryn jattyqtyrýǵa, psıho­emo­sıo­nal­dyq jaǵdaıdy oń­taı­landyrý úshin zamanaýı qol­dan­baly psıhotehnologııalardy biriktirýge, tulǵalyq ósýdiń bilim berý baǵ­darlamalaryna arnalǵan platforma.

I.Kúlshimbaev TJM qutqa­rýshylary úshin kásibı-psıho­logııalyq daıyndyq ortalyǵyn qurýdyń mańyzdylyǵyn atap ótti, onyń kómegimen azamattyq qorǵaý jáne avıasııa salasynda sapaly jáne qaýipsiz ushýlardy uıymdastyrýdyń turaqty júıesi qalyptasýda.

TJM «Qazavıaqutqarý» AQ Bas dırektorynyń orynbasary A.Majıkenovtiń aıtýynsha, tek sońǵy bes jyldyń ishinde 5 myńnan astam ushý júzege asyrylǵan, onyń ishinde sanıtarlyq avıasııa jelisi boıynsha 1300-den astam ushý bolǵan, onda 2 myńnan astam naýqas adam tasymaldanǵan.

Bıylǵy tamyz aıynda el Pre­zıdentiniń tapsyrmasy boıynsha «Qazavıaqutqarý» AQ Mı-8AMT 2 tikushaǵynyń bortynda TJM 16 qutqarýshysymen jiberilip, aýqymdy orman órtte­rin sóndirý boıynsha jumystardy sát­ti oryndady. TJM jeke qura­my Mem­leket basshysy qoıǵan min­detti tolyq kólemde oryndady.

Dóńgelek ústel sońynda psıho­logııalyq daıyndyq orta­lyǵynyń basshysy G.Ahmetova Qazaqstanda alǵash ret paıdalanylatyn ush­qysh-qutqarýshylarǵa arnalǵan múldem jańa jabdyqty kórsetti. Kóz, mı jáne dene baılanysyn jattyqtyrýǵa arnalǵan senaptec strobe kózildirigi. Suıyq krıstaldy qaqpalardy qoldana otyryp, lınzalar móldirlikti ózgertedi, vızýaldy aqparat kólemin azaıtady jáne qutqarýshyny ony tıimdirek óńdeýge májbúr etedi, bul bolashaqta ushqyshtar oryndaıtyn jumysqa oń áser etedi. Sondaı-aq ushqyshtarmen jatty­ǵýlarda qoldanylatyn ızraıldik Blazepod jabdyqtary reaksııa jyldamdyǵyn, perıferııalyq kórý qabiletin, oılaý jyldam­dyǵyn, beıstandartty jaǵdaı­larda tózim­dilik pen psıholo­gııalyq turaq­ty­lyqty damytýǵa kómektesedi.