О́ner • 14 Qazan, 2021

Jumeken jyryn jattaǵandar

290 ret kórsetildi

Qoshalaq atalatyn quıqaly topyraqta kindik qany tamyp, qazaq poezııasyna ózindik únimen tanylǵan qalamgerdiń ár óleńinen týǵan eline, ultyna degen kerimsal saǵynyshy baıqalýshy edi. Jaqynda jyrlarymen el jadynda jattalǵan Ánuran avtorlarynyń biri, belgili aqyn Jumeken Nájimedenov atyndaǵy kórkemsóz oqýshylardyń respýblıkalyq baıqaýy ótti. Baıqaý el Táýelsizdiginiń 30 jyldyǵyna arnaldy.

– Atyraý oblysynda bul baıqaý 2016 jyldan beri uıymdastyrylyp keledi. Baıqaýdy ótkizýdegi basty maqsat – Jumeken Nájimedenovtiń ádebı murasyn halyq, ásirese, jastar arasynda nasıhattaý, aqynnyń shy­ǵarma­shylyǵy arqyly jas ur­paq­ty adamgershilikke, ulttyq rýhqa, otan­súı­gishtikke tárbıeleý. Bıylǵy baıqaý «Táýelsiz elime – 30 jyl» dep ataldy, – deıdi oblys ákiminiń orynbasary Baqytgúl Hamenova.

Belgili jazýshy Mereke Qulkenov tóraǵalyq etken qazylar alqasy eli­mizdiń ár óńirinen qatysqan jas kór­kemsóz oqýshylardyń sheberligin sarapqa saldy. Ásirese, kórkem mátin­di tańdaý talǵamy, oqý sheberligi, daýys máneri men til tazalyǵyna, sahnada ózin ustaýyna basa mán berildi. Is-sha­raǵa aqynnyń úlken qyzy Aıken Náji­me­denova da qatysyp, biregeı qalam­gerdiń jyryn jattaǵandarǵa sáttilik tiledi.

Qazylar alqasynyń uıǵarýymen Áıgerim Saǵatova (Qyzylorda oblysy), Nurmuhamed Serikbaev (Qos­tanaı oblysy) pen Husnı Ǵab­sattar (Aqtóbe oblysy) yntalandyrý júldesine ıe boldy. Úshinshi júldeniń 100 myń teń­gelik sertıfıkaty almatylyq Merýert Ańsat pen jambyldyq Baq­tııar Beknazarovqa berildi. Ekinshi júldeni (200 myń teńge) atyraýlyq Bulan Nurǵalıev ıelendi. Al 300 myń teńgesi bar birinshi júldege Pavlodar oblysynan qatysqan Rasýl Temesh laıyq dep tanyldy.

Baıqaýdyń bas júldesi – 400 myń teńgeni Oral qalasyndaǵy №42 «Aq nıet» mektep-gımnazııasynda qazaq tili men ádebıeti páninen dáris beretin muǵalim Abylaıhan Qýanyshev jeńip aldy.

Sońǵy jańalyqtar

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

«Real» – Sýperkýbok ıegeri

Fýtbol • Búgin, 08:40

Anderkardta kúsh synasady

Sport • Búgin, 08:37

Shilde aıyndaǵy úzdikter anyqtaldy

Fýtbol • Búgin, 08:35

Shahmatshylardyń tarıhı jetistigi

Sport • Búgin, 08:34

«Altyn taı» Aıagózdiń enshisinde

Aımaqtar • Búgin, 08:32

Uqsas jańalyqtar