Otyrys beınekonferensbaılanys formatynda ótýde. JEEK otyrysynyń tikeleı kórsetilimin «Habar 24» telearnasynan kórýge bolady.
Buǵan deıin QR Prezıdentiniń baspasóz hatshysy Berik Ýálı EAEO elderi basshylary Eýrazııalyq ekonomıkalyq odaq qyzmetiniń ózekti máselelerin, sondaı-aq EAEO qatysýshy elderiniń ekonomıkalyq yntymaqtastyǵyn odan ári damytýdy talqylaıtyny týraly habarlaǵan bolatyn.
Qasym-Jomart Toqaev Nur-Sultan qalasynda ótken «Parıj kelisimi men Qazaqstannyń kómirtegi beıtaraptylyǵy maqsattaryna qol jetkizý joldary» atty halyqaralyq konferensııada Joǵary Eýrazııalyq ekonomıkalyq keńestiń búgingi otyrysynda memleketter basshylary Odaqtyń Klımattyq kún tártibi týraly málimdemeni qabyldaýdy josparlap otyrǵanyn málimdedi.
Qazaqstan Prezıdenti 15 Qazanda Belarýs Respýblıkasynyń tóraǵalyǵymen beınekonferensbaılanys formatynda ótetin Táýelsiz Memleketter Dostastyǵy Memleketteri basshylary keńesiniń kezekti otyrysyna qatysady. 2022 jyly TMD-ǵa tóraǵalyq Qazaqstanǵa ótedi.
