«Jalpy suıyltylǵan munaı gazyn berý josparyn qalyptastyrý qaǵıdalary energetıka mınıstrliginiń arnaıy buıryǵymen bekitilgen. Osyǵan sáıkes, suıyltylǵan munaı gazyn berý ótinimderin qalyptastyrý jónindegi komıssııa qurylǵan bolatyn. Olar óz quzyreti boıynsha qajetti gaz kólemin anyqtap, tıisti mınıstrlikke joldaıdy. Osy boıynsha, oblysqa qajetti aı saıynǵy gazdyń kólemin anyqtaımyz. Búginde aı saıyn 10 myń tonna gaz qajet. Sonymen qatar osy jyldan bastap gaz jelisi uıymdaryna bólinetin gazdyń belgili bir mólsheri elektrondy saýda alańdary arqyly bólinip keledi. Qazirgi tańda suıyq gazdyń tapshylyǵy jáne gaz baǵasynyń ósýi baıqalady. Osyǵan baılanysty tıisti mekemelerden aı saıyn kerekti málimetterdi alamyz. Máselen, oblysta 150 myńnan astam avtokólik bolsa, onyń 23600-i gazben júredi. Gaz baǵasy boıynsha aıtatyn bolsaq, arnaıy básekelestik naryǵyn retteıtin mekeme bar. Ol mekeme baǵanyń negizsiz kóterilmeýin qadaǵalaıdy. Qolda bar málimet boıynsha avtogaz quıý beketterinde 85 pen 95 teńge arasynda satylýda», dedi basqarma basshysynyń orynbasary Erlan Jolamanov.
