Ǵylym • 15 Qazan, 2021

Tursyn Jurtbaı tarıhta jasyryn bolǵan qasiret paraqtaryn aqtardy – Kósherbaev

160 ret kórsetildi

Bul týraly Memlekettik hatshy  Qyrymbek Kósherbaev  professor Tursyn Jurtbaıdyń 70 jyldyq mereıtoıyna arnalǵan «Eldik ustanym jáne Táýelsizdik nysanasy» ǵylymı-tájirıbelik konferensııasynda aıtty, dep jazady Egemen.kz.

«Tarıhty túgendeý, ulttyq rýhanııat úshin mehnatty is. Kóz maıyn taýysyp, jyldar boıy arhıvterde otyryp eńbek etýge ekiniń biriniń, egizdiń syńarynyń qajyry jete bermeıdi. Ol úshin asa tabandylyq kerek, shydamnyń shegin kórseter, tózimdi túgel taýysar, aýyr jumystyń jaýapkershiligin sezetin adam ǵana atqara alsa kerek», dedi Kósherbaev.

Memlekettik hatshy jurt jumysyna janyn salyp isteıtin azamattardyń biri jetpistiń jotasyna kóterilip otyrǵan Tursyn Jurtbaı ekenin aıtty.

«Tursyn Jurtbaı  alǵashqyda «Qońyr qaz» (1978), «Júregimde jumyr jer» (1980) jyr kitaptarymen aqyn retinde tanyldy. «Zamandasym, syrlasym» ocherkter jınaǵyn shyǵardy. Ádebı ortaǵa dendep salıqaly synı maqalalarymen sińisti.  Qalıbek Qýanyshbaev týraly «Dara tulǵa» maqalasy da oqyrmannyń oń baǵasyn aldy. Keıinirek ǵylymı-tanymdyq derekti shyǵarmalar jolyna túsip, zertteýshilik qyzmet atqardy. Arhıvterdi aqtardy, sarǵaıǵan gazet-jýrnaldardan tarıhı tyń derekterdi ashty»,  dedi Kósherbaev. 

Kósherbaev Tursyn Jurtbaı buǵan deıin jasyryn bolǵan qasiret paraqtaryn aqtarǵanyn aıtty.

«15 jyldan astam ýaqyt boıy ǵylymı izdenis júrgizip, tyń derekterdi ǵylymı aınalymǵa engizdi. Memleket basshysynyń jarlyǵymen saıası qýǵyn-súrgin qurbandaryn aqtaý boıynsha komıssııa quryldy. Qazir komıssııa sheteldik arhıvterde de jumys istep jatyr»,  dedi ol.

Konferensııaǵa zııaly qaýym ókilderi men qala basshylyǵy, Prezıdent ákimshiliginiń ókilderi, aqyn, jazýshylar qatysty.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar