Úkimet • 15 Qazan, 2021

Aýyl turǵyndaryn baspanamen qamtamasyz etýge jeke baǵdarlama qabyldanýy múmkin

78 ret kórsetildi

 

Senattyń Ekonomıkalyq saıasat, ınnovasııalyq damý jáne kásipkerlik komıtetiniń depýtattary Túrkistan oblysynda kóshpeli otyrys ótkizdi, dep habarlaıdy Egemen.kz.

Komıtettiń kóshpeli otyrysynyń jumysyna Túrkistan oblysynyń ákimi О́mirzaq Shókeev, ındýstrııa jáne ınfraqurylymdyq damý mınıstriniń orynbasary Qaıyrbek О́skenbaev, «Otbasy bank» AQ Basqarma Tóraǵasy Lázzat Ibragımova jáne basqa da salalyq mekemelerdiń basshylary qatysty.

Turǵyn úı qurylysy salasyndaǵy zańnamany jetildirý jáne memlekettik baǵdarlamalardy iske asyrý, sondaı-aq azamattardy turǵyn úımen qamtamasyz etý jónindegi biryńǵaı ulttyq baǵdarlama ázirleý – talqylaýdyń basty taqyryby boldy.

Komıtet tóraǵasy Dáýren Ádilbekov qazaqstandyqtardy qoljetimdi baspanamen qamtamasyz etý memlekettiń negizgi áleýmettik mindetteriniń biri ekenin atap ótip, otyrys turǵyn úı saıasaty salasyndaǵy problemalyq máselelerdi anyqtaýǵa arnalǵanyn aıtty.

Senator Álimjan Qurtaev aýyl turǵyndaryn turǵyn úımen qamtamasyz etýde jeke baǵdarlama ázirleý qajet dep esepteıdi. Bul aýylda turý jaǵdaıyn jaqsartýǵa múmkindik beredi, sondaı-aq jastardyń qalalarǵa jappaı ketýin qysqartýy yqtımal.

«Qoldanystaǵy memlekettik baǵdarlamalardy aýyldyq jerlerde iske asyrý múmkin emes. Osyǵan baılanysty Qazaqstanda turǵyn úı qurylysy prosesin odan ári jetildirý maqsatynda turǵyn úı saıasatyn reformalaý máseleleri boıynsha zań jobasy ázirlendi. Qazirgi ýaqytta ol Úkimettiń qaraýynda jatyr», dedi senator óz sózinde.

О́ńirge sapar barysynda parlamentshiler jańa shaǵyn aýdannyń qurylys barysymen tanysty, qurylys alańdarynda, transformatorlyq jabdyqtar shyǵaratyn zaýytta, sondaı-aq kólik-logıstıka ortalyǵynda boldy.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar