Elorda • 16 Qazan, 2021

Elordada Qajymuqan Muńaıtpasulyna eskertkish ornatyldy

227 ret kórsetildi

Elordada kúsh atasy Qajymuqan Muńaıtpasuly eskertkishi ornatyldy. Sonymen qatar Qajymuqan Muńaıtpasulynyń 150 jyldyǵyna oraı «Jas Batyr» sport keshenine «Qajymuqan» ataýy berildi, dep habarlaıdy Egemen.kz.

Eskertkish Q.Muńaıtpasuly atyndaǵy Olımpıada rezerviniń mamandandyrylǵan Respýblıkalyq mektep-ınternat-kolledji aýmaǵynda ornatyldy.

Saltanatty is-sharaǵa Mádenıet jáne sport mınıstri Aqtoty Raıymqulova, Nur-Sultan qalasy ákiminiń orynbasary Ermek Qızatov, grek-rım kúresinen eki dúrkin Olımpıada júldegeri Dáýlet Turlyhanov, Parlament Májilisiniń depýtaty Baqytbek Smaǵul men birqatar sport jáne qoǵam qaıratkeri qatysty.

Eskertkishtiń ashylýynda sóz alǵan Aqtoty Raıymqulova kúsh atasy Qajymuqan Muńaıtpasulynyń 150 jyldyǵyn atap ótýge elimizdiń barlyq óńiri bir kisideı jumylyp, erekshe atsalysyp jatqanyn atap ótti.

«Qajymuqan Muńaıtpasuly – qazaq halqynyń tarıhyndaǵy tuńǵysh kásipqoı balýan. Ol búkil ǵumyryn kúres ónerine arnap, elimizdi ózge jurtqa pash etken. Talaı beldesýde atyshýly qarsylasynan aılasyn asyryp, kózi tirisinde erligi ańyzǵa aınalyp úlgerdi. Orasan kúshtiń ıesi bolǵan balýan babamyz, kúrestiń birneshe túrinen qazaqtan shyqqan tuńǵysh álem chempıony atandy.

Jyl basynda Qajymuqan Muńaıtpasulynyń esimin ulyqtaý, máńgilikke este qaldyrý maqsatynda arnaıy Jalpyrespýblıkalyq is-sharalar jospary əzirlendi. Keshendi josparǵa səıkes kóptegen mádenı, sporttyq-buqaralyq, aqparattyq-ımıdjdik is-shara ótkizilip keledi.

Bul qatarda arnaıy poshta markalary shyǵarylǵanyn, «Qajymuqan» kórkem fılminiń túsirilgenin aıtýǵa bolady. Sonymen qatar elimizdiń túkpir-túkpirinde marafondar, dóńgelek ústelder, taqyryptyq ashyq sabaqtar, birneshe halyqaralyq konferensııa, týrnırler men basqa da is-sharalar ótkizildi.

Búgin er esimin ulyqtaýǵa arnalǵan sondaı is-sharanyń birinde bas qosyp turmyz. Elorda tórinde kúsh atasy Qajymuqan babamyzdyń eskertkishin saltanatty túrde ashqaly jatyrmyz. Sizdermen birge osy abyroıly is-sharanyń basy-qasynda bolý men úshin zor mártebe dep sanaımyn.

Sonymen qatar qalamyzdaǵy «Jas batyr» sport kesheni budan bylaı «Qajymuqan» sport kesheni dep atalady.

Bul is-sharalar balýanǵa kórsetilgen taǵzymnyń shaǵyn da bolsa, mańyzdy kórinisi. Aldaǵy ýaqytta da ańyz adamnyń rýhyn asqaqtatyp, erligin keler urpaqqa jetkizý bizdiń maqsatymyz bolyp qala beredi»,-dedi mınıstr.

Aıta keteıik, eskertkishtiń jalpy bıiktigi 5,7 metr (tuǵyry - 2,2 metr, músin 3,5 metr). Avtorlary – Jalyn Baýyrqan, Bolatbek Salaev.

 

 

Sońǵy jańalyqtar

PIK pen MIB-tiń «shaıqasy»

Qazaqstan • Keshe

Plastık qaptamanyń álegi

Ekologııa • Keshe

Kólikqumarlarǵa arnaldy

Ekonomıka • Keshe

Qymbat em-dom qoljetimdi

Medısına • Keshe

О́lke táji – О́leńti

Aımaqtar • Keshe

Aqshoqyda arqar atqan...

Aımaqtar • Keshe

Jastarǵa janashyr joba

Qoǵam • Keshe

Týrıster qyzyǵatyn ólke

Týrızm • Keshe

Uqsas jańalyqtar