Qazaqstan • 18 Qazan, 2021

AQSh Qazaqstanǵa 2,4 mln dollar beredi

131 ret kórsetildi

Búgin AQSh úkimeti AQSh halyqaralyq damý jónindegi agenttigi (USAID) arqyly Qazaqstanǵa COVID-19 indetine qarsy kúreste kómek kórsetý maqsatymen 2,4 mıllıon AQSh dollaryn bólý týraly jarııalady, dep habarlaıdy Egemen.kz.

Bul týraly Qazaqstandaǵy AQSh Elshiligi men Konsýldyǵy málimdedi.

Atalǵan kómek naqty derekter negizinde vaksınalardy engizý boıynsha sheshimder qabyldaýǵa, vaksınalar týraly jalǵan aqparatqa den qoıý boıynsha jergilikti áleýetti damytýǵa, COVID-19 naqtylaýdy júzege asyrý úshin zerthanalyq júıelerdi jetildirýge, Qazaqstannyń vaksınalardy paıdalanýǵa daıyndyǵyn arttyrýǵa jáne olardy jetkizý prosedýralaryn jetildirýge yqpal etetin bolady.

«Bul kómek pandemııa bastalǵannan beri COVID-19 indetine qarsy kúres baǵdarlamasy sheńberinde Qazaqstanǵa jiberilgen 6,8 mıllıon AQSh dollarynan astam mólsherdegi qarjylandyrýdy tolyqtyratyn bolady. Búgingi tańda USAID 5000-nan astam medısına qyzmetkerine COVID-19 indetine baılanysty taqyryptar boıynsha, sonyń ishinde aýrýdyń aldyn-alý jáne baqylaý, sonymen qatar bıologııalyq qaýipsizdikti qamtamasyz etý prınsıpteri boıynsha oqytýdy uıymdastyrdy. О́z qyzmetinde USAID halyqtyń habardarlyǵyn arttyrý jáne jalǵan aqparatpen kúresý úshin belsendi toptardy jumyldyrý arqyly 8,2 mln-nan astam adamdy qamtydy.

Osyndaı kúsh-jiger jumsaýdyń negizinde AQSh ómirdi qutqarý boıynsha ondaǵan jyldar boıǵy eńbek jáne densaýlyq saqtaý salasyndaǵy jahandyq daǵdarystardy eńserýdegi jetekshi róli jatyr. Sońǵy 60 jyl barysynda USAID mıllıondaǵan adamnyń ómirin Ebola, AITV/JITS, týberkýlez, bezgek jáne qazir COVID-19 sııaqty aýrýlardan qutqarýǵa kómektesti», delingen AQSh dıplomatııalyq ókildigi taratqan habarlamada.

Elshiliktiń habarlaýynsha bıyl AQSh О́kildigi Qazaqstan úkimetimen yntymaqtastyqtyń 30 jyldyǵyn atap ótýde. Eki onjyldyqtan astam ýaqyt barysynda AQSh Qazaqstanǵa 2 mlrd dollar, sonyń ishinde týberkýlez ben AITV/JITS aldyn alý jáne emdeý sııaqty salalardaǵy densaýlyq saqtaý baǵdarlamalaryn qoldaýǵa 92,8 mıllıon dollardan astam qarajat bóldi.

Sońǵy jańalyqtar

Dollar arzandady

Qarjy • Búgin, 16:50

12 jastaǵy qyzdy tonaǵan ury ustaldy

Qazaqstan • Búgin, 14:42

Bıyl 93 eldi meken gazben qamtylady

Qazaqstan • Búgin, 14:01

Uly dalanyń ulaǵaty

Aımaqtar • Búgin, 12:23

Elimizde taǵy 4 adamnan koronavırýs anyqtaldy

Koronavırýs • Búgin, 10:41

Uqsas jańalyqtar