Áriptestiń úsh týyndysy

Jýrnalıstik jolymdy bas­tap, tabany kúrekteı jıyrma eki jyl boıy ter tókken, ys­tyǵyna kúıip, sýyǵyna tońǵan Qostanaı oblystyq «Qostanaı tańy» gazeti men úshin erekshe ystyq. Sol qarashańyraqta bolyp jatqan shyǵarmashylyq izdenis pen ózgeristerge únemi qulaq túre júremin. Kezinde negizin Muhamedjan Seralın, Beıimbet Maılın sııaqty ulty­myzdyń birtýar uldary salǵan únparaqta sol asyl aǵalardyń jalǵasyndaı bolǵan talaı qa­rym­dy qalamgerler qazir de eńbek etedi. Solardyń biri – «Qos­tanaı tańy» gazeti bas redak­torynyń birinshi orynba­sary, Qazaqstan Jazýshylar jáne Jýrnalıster odaqtarynyń múshesi, Mádenıet qaıratkeri, Qazaqstannyń qurmetti jýrnalısi Sálim Meńdibaev. – Búginde men ózimdi kezinde Bı-aǵań atqarǵan jumysty jal­ǵastyryp júrgendeı sezinemin. Al bul erekshe jaýapkershilik, – deıdi áriptesim. Sondyqtan da bolar, osy ujym­da qyryq úsh jyl boıy aby­roıly eńbek etip kele jatqan Sálim Toqmyrzauly únemi jańa bir bastamalarǵa muryndyq bolyp júredi. Ana bir jyldary redaksııa tirshiligine erekshe bir serpin bergen gazettiń jastarǵa arnalǵan «Namys», áıelderge arnalǵan «Aqsulý», tarıhı-tanymdyq «Zer­­de» qosymshalaryn osy Sá­keń ózi bas bolyp, oqyrmandar na­zaryna usyndy. О́tken 2013 jyly jazýshy-jýrnalıst qalamynan úsh bir­deı tamasha kitap «Qostanaı tańy­nyń» kitaphanasy» serııasymen dúnıege keldi. Birinshi kitap «Tumarymyz – Túr­kistan» dep atalady. Oǵan avtor­dyń jetekshiligimen osyndaı aıdarmen gazet betinde ja­ryq kórgen ocherk, derekti áńgi­meler men joljazba­lar top­tastyrylǵan. Bul kúnderi qa­sıet­ti Túrkis­tanda Qos­tanaı-Tor­ǵaı óńi­rinen shyqqan to­ǵyz birdeı bahadúr ba­bamyzdyń jer­lengeni belgili bolyp otyr. Olar: Shaqshaq Jánibek, Qara­balýan Aldııaruly, Meshit­baı Súgiruly, Mergen Babas­uly, Bekbaýly О́teıuly, Áli­bek Qudaıberdiuly, Aıt­paı Atkeltiruly, Shoban Jaman­qululy, Madııar Jaýǵashtyuly. Bu­lardyń bári keshegi Jońǵar shapqynshylyǵy kezinde Qazaq eliniń táýelsizdigi úshin qan men ter tókken tarıhı tulǵalar. Sol babalar erligin nasıhattaý­da bul tarıhı-tanymdyq týyndynyń alatyn orny erekshe. Avtordyń ekinshi kitaby «Bizdiń eldiń jigitteri» dep atalady. Bul eńbekte esimderi búkil elge áıgili memleket jáne qoǵam qaıratkeri Ilııas Omarov, ǵulama ǵalymdar О́mirzaq Sultanǵazın, Jumaǵalı Ysmaǵulov, Saǵyndyq Satybaldın, Jankeldi Otarbaev, aýylsharýashylyq óndirisiniń kóshbasshylary Jázıt Qudaıqul, Saıran Buqanov, О́mirzaq Ihtı­lıapov sııaqty talaı tanymal aza­mattardyń beınesi somdalady. Al «Armysyń, altyn tań!» atty kitap shyǵa bastaǵanyna toq­san jyldan astam ýaqyt bol­ǵan «Qostanaı tańynda» soń­ǵy on-on bes jyl kóleminde jarııa­lanǵan Sákeńniń tańdamaly shyǵar­malarynan turady desek, qate aıtqandyq bolmas. Bes taraýdan turatyn týyndyda jýrnalıstiń ártúrli taqyrypty qamtyǵan oı-tolǵamdary óz oqyrmanyn tabady dep kámil senimmen aıta alamyz. Jýrnalıstik alǵyrlyǵy men jazýshylyq sheberligin tanyt­qan áriptesimiz budan buryn da «Júrek lúpili», «Emenniń aıyr butaǵy», «Móp-móldir dúnıe», «Erkimbaıdyń Sultany», «Te­reń tamyr» atty kitaptar jazyp, jarııalaǵan bolatyn. Al «Qos­tanaı tańynyń» kitaphanasy» serııa­symen shyqqan sońǵy úsh týyn­dysy áriptesimizdi bıik tu­ǵyrǵa kótergen kelisti eńbek bolyp esepteledi. Qaısar ÁLIM, «Egemen Qazaqstan».