Qazaqstan • 19 Qazan, 2021

Prezıdenttik jastar kadr rezerviniń úshinshi kezeńi aıaqtaldy

89 ret kórsetildi

Prezıdenttik jastar kadr rezervine irikteýdiń úshinshi kezeńiniń qorytyndysy týraly QR Memlekettik qyzmet isteri agenttigi tóraǵasynyń orynbasary Marat Dáýeshov habarlady, dep jazady Egemen.kz vedomstvonyń baspasóz qyzmetine silteme jasap.

«Qazirgi ýaqytta Agenttik aldynda Memleket basshysynyń Prezıdenttik jastar kadr rezervin (PJKR) qalyptastyrý týraly tapsyrmasyn iske asyrý mindeti tur. Qazirgi ýaqytta irikteýdiń úsh kezeńi ótti, olar: qujattardy qabyldaý, verbaldy jáne sandyq testileý jáne olardy verıfıkasııalaý, sıtýasııalyq tapsyrmalardy sheshý.

Sıtýasııalyq tapsyrmalardy sheshý – bul úmitkerlerdiń sıtýasııalyq tapsyrmalar túrinde jasalǵan naqty problemalardy sheshýge kózqarasyn baǵalaý. Bul kezeń aǵymdaǵy jyldyń 12 qazanynan bastap 17 qazanyna deıin ótkizildi.

Ekinshi kezeńniń qorytyndysy boıynsha 3-kezeń – sıtýasııalyq tapsyrmalardy sheshýge 514 adam jiberildi.

Úshinshi kezeńniń qorytyndysy boıynsha 4-kezeńge 235 úmitker ótti, bul kezeń aǵymdaǵy jyldyń 25 qazanynda bastalady»,-dep málimdedi Marat Dáýeshov.

Tórtinshi kezeń – bul mynadaı 2 bloktan turatyn quzyretterdi baǵalaý kezeńi: assessment-ortalyq jáne quzyretter boıynsha suhbat.

Assessment-ortalyq minez-qulyq ındıkatorlarynyń jıyntyǵy arqyly úmitkerlerdiń strategııalyq oılaý, proaktıvtilik, qyzmetti basqarý, komandalyq kóshbasshylyq, sendire bilý sııaqty quzyretterin anyqtaýǵa jáne baǵalaýǵa baǵyttalǵan. Bul blok offlaın-formatta ótkiziletin bolady.

Quzyretter boıynsha suhbat Qazaqstan Respýblıkasynyń kásibı HR-menedjerleriniń qatysýymen onlaın-formatta júrgiziledi. Osy baǵalaý blogynyń maqsaty úmitkerlerdiń ishki ynta-jigerin jáne olardyń qundylyq baǵdarlaryn aıqyndaıtyn quzyretterdi anyqtaý bolyp tabylady.

Esterińizge sala keteıik, Memleket basshysynyń tapsyrmasyna sáıkes Memlekettik qyzmet isteri agenttigi 2021 jyly Prezıdenttik jastar kadr rezervine ekinshi irikteýdi júrgizip otyr, birinshi irikteý 2019 jyly ótken bolatyn.

Osy jylǵy irikteý qorytyndysy boıynsha rezervke 50 úmitker alynady.

Prezıdenttik jastar kadr rezerviniń maqsaty qoǵamdyq jáne memlekettik múddelerdi basshylyqqa alatyn jas talanttardy anyqtaý bolyp tabylady.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar