О́ner • 20 Qazan, 2021

Mádenı dostyqty dáriptedi

40 ret kórsetildi

Qazaqstannyń Tuńǵysh Prezıdenti – Elbasy kitaphanasynyń mýzeıinde Qazaqstan men Indonezııanyń balalar men jas­óspirimder arasyndaǵy «Meniń elimniń mádenı murasy» atty halyq­aralyq baıqaýyn qorytyndylaǵan kórmesi ótti. Mazmundy is-sharany Elbasy kitaphanasy, Qazaqstannyń Indo­nezııa Respýblıkasyndaǵy elshiligi, Indonezııa Respýb­lıka­synyń Qazaqstan Respýblıkasyndaǵy elshiligi, Indonezııa Respýblıkasynyń Ulttyq kitaphanasy jáne Nur-Sultan qalasyndaǵy Balalar kórkemsýret mektebi – IýNESKO klýby uıymdastyrdy.

Jobanyń negizgi maqsaty – bala­lardy Qazaqstan men Indo­nezııanyń mádenıeti men shyǵar­mashylyǵymen tanystyrý, son­daı-aq olardyń jeke ári shyǵar­mashylyq áleýetin ashýǵa jaǵdaı jasaý. Baıqaý qorytyndysy bo­ıynsha 60 úzdik jumys irikte­lip, kórmege qoıyldy.

Kórmeniń ashylýynda El­ba­sy kitaphanasynyń dırektory Baqytjan Temirbolat qatysý­shylardy baıqaýdyń mańyzy týra aıta kelip: «Bul is-shara Qa­zaqstan Táýelsizdiginiń 30 jyl­­dyǵy men Indonezııa Táýel­siz­­diginiń 76 jyldyǵyna arnal­dy. Qos eldiń balalar men jas­óspirimder jumystarynyń kór­mesi eki memleket arasyndaǵy má­de­nı yntymaqtastyq pen qundy­lyqty, dostyq qarym-qatynas­ty kórsetedi. Baıqaýǵa qatysqan qos eldiń talantty jas býynyn quttyqtaı otyryp, olarǵa ja­ńa shyǵarmashylyq tabystar tileı­min!» dep izgi lebizin bildirdi.

Odan keıin Qazaqstannyń Indo­nezııa Respýblıkasyndaǵy elshisi Danııar Sarekenov beıne – joldaý joldap, Qazaqstan men Indonezııanyń ortaq tustary kóp ekendigine toqtaldy. «Bizdiń elderimiz – azattyq alǵan jyldar ishinde qoǵamdyq jáne etno­s­aralyq kelisimdi saqtap, nyǵaıta alǵan kópultty memleketter. Jas býynnyń jumystarynan osy qundylyqty ańǵarýǵa bolady. Baıqaýǵa qatysqan jastar baryn saldy, olardyń bul eńbekteri joǵary baǵaǵa laıyq» dese, Indo­nezııa Respýblıkasynyń Qazaq­standaǵy eks-elshisi Rah­mat Pramono balalar óz shyǵarma­shy­­lyǵy arqyly Otanǵa, beı­bit­shilik pen dostyqqa degen súıis­penshilikti dáripteıtin álemniń elshileri ekenin atap ótti.

Indonezııalyq qatysýshylar men jeńimpazdar, sondaı-aq Indo­nezııanyń Djakartadaǵy Ult­tyq kitaphanasy is-sharaǵa Zoom beınebaılanys arqyly onlaın qatysty.

Aıta keteıik, Qazaqstan men Indo­nezııanyń balalar men jas­óspirimder arasyndaǵy «Meniń elimniń mádenı murasy» atty ha­lyq­aralyq konkýrs maýsym aıyn­da jarııalanǵan. Eki el­diń 400-ge jýyq balala­ry men jasóspirimderi óz jumys­taryn Qazaqstannyń nemese Indonezııanyń dástúrleri; Qazaqstannyń nemese Indone­zııanyń ańyzdary, folklo­ry; Qazaqstannyń jáne Indo­ne­zııa­nyń kórikti jerleri, Qazaq­stan men Indonezııa arasynda­ǵy dostyq pen Qazaqstan nemese Indonezııada táýelsizdik kúnin qa­laı atap ótemin taqyryptary aıasynda joldaǵan.

Kórme aıaqtalǵannan keıin ba­lalardyń týyndylary 2021 jyl­­dyń jeltoqsan aıynda Indo­nezııanyń Djakarta qalasyndaǵy Ulttyq kitaphanasynda kópshilik nazaryna usynylady.

Is-shara sońynda atalǵan baı­qaýdyń bizdiń elimizden top jar­ǵan júldegerleri marapattaldy.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar