Bul keshke HVIII, HIH jáne HH ǵasyrdaǵy úsh uly kompozıtor – Iogann Sebastıan Bah, Anton Brýkner, Bela Bartoktyń týyndylary beker tańdalǵan joq, olardyń ómiri de shyǵarmalarymen tyǵyz baılanysty. «Astana Opera» teatrynyń sımfonııalyq orkestri tyńdarmandardy nemis barokkosy, bergi aýstrııalyq-nemis romantımzi men majar mýzykalyq klassıkasynyń jańa qyrlarymen tanystyrdy.
− Shyn máninde, bul – elordamyzdyń mádenı ómirindegi aıtýly oqıǵa. Astanada buryn oryndalmaǵan Anton Brýknerdiń №7 sımfonııasynyń sheber dybystalýyna qol jetkizý úshin orkestrmen kóp daıyndaldyq. Bul kemeńger Brýknerdiń Rıhard Vagnerdi eske alýǵa arnalǵan eń shabytty da áserli shyǵarmalarynyń biri dep esepteımin. Madaq óleńniń sońynda jarq etken uranmen aıaqtalý úshin ámbebap, keń aýqymǵa kóteriledi, − dep atap ótti Abzal Muhıtdın.
Sonymen birge konsert baǵdarlamasyna Bela Bartoktyń shyǵarmasy da engizildi. Aıta keteıik, bıyl majar kompozıtorynyń týǵanyna 140 jyl tolyp otyr. HH ǵasyrdyń jańashyl mýzykanty B.Bartok – kóptegen kameralyq týyndynyń, onyń ishinde ishekti aspaptar kvartetteriniń, fortepıanoǵa arnalǵan mýzykanyń avtory. Osy keshte Ishekti aspaptar orkestrine arnalǵan dıvertısmenttiń oryndalýy kórnekti kompozıtorǵa keremet tartý sanaıdy. Sondaı-aq ataqty kompozıtor I.Bahtyń ásem de naqyshty №3 Brandenbýrg shyǵarmasy da talǵampaz kórermenge tosyn syı boldy.
