Koronavırýs • 20 Qazan, 2021

Revaksınasııa kimniń esebinen júrgiziledi?

99 ret kórsetildi

Qarasha aıynda Qazaqstanda koronavırýstyq ınfeksııadan revaksınasııany bastaý josparlanýda. Premer-Mınıstrdiń orynbasary Eraly Toǵjanov qazaqstandyqtardy qaıta vaksınasııalaý qandaı qarajat esebinen júrgiziletinin aıtty, dep habarlaıdy Egemen.kz.

Bul máseleni Májilistiń jalpy otyrysynda depýtat Jámıla Nurmanbetova kóterdi. Ol koronavırýsqa qarsy ujymdyq ımmýnıtetti qalyptastyrý úshin vaksınasııalanatyn kontıngentti 9,9 mıllıonnan 11,4 mıllıon adamǵa deıin kóbeıtý týraly sheshim qabyldanǵanyn eske saldy. Alaıda 2022-2024 jyldarǵa arnalǵan respýblıkalyq bıýdjet jobasynda vaksına satyp alýǵa jáne revaksınasııaǵa qarajat kózdelmegen.

Suraqqa jaýap bere otyryp, vıse-premer Eraly Toǵjanov qarajat «Úkimet rezervinen» bólinetinin habarlady.

«DDU usynymdary boıynsha, 20-dan astam eldiń tájirıbesin eskere otyryp, biz qarashanyń úshinshi onkúndiginen bastap qaıta vaksınasııalaýdy júrgizý týraly sheshim qabyldadyq. Alty aıdan keıin belsendi emes vaksına úshin jáne toǵyz aıdan keıin vektorlyq vaksına alǵandar úshin revaksınasııa bastalady. Birinshi kezekte maıdanda júrgender - dárigerler, muǵalimder, sondaı-aq 60 jastan asqan azamattar vaksınasııalanady. Olar jyl sońyna deıin vaksınamen tolyq qamtamasyz etiledi», dep túsindirdi Premer-Mınıstrdiń orynbasary.

Onyń aıtýynsha, qalǵan azamattarǵa kezeń-kezeńimen ekpe jasalatyn bolady. 2022 jyly shamamen 2 mln adamdy egý josparlanýda. Al 2023-2024 jyldary epıdjaǵdaıǵa qaraıtyn bolady.

«Qazaqstannyń barlyq halqy vaksınamen, onyń ishinde revaksınasııamen qamtamasyz etiledi», dep túıindedi Toǵjanov.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar