Tuńǵysh Prezıdent N.Á. Nazarbaev QR Parlamentin qurýdy el shejiresi men onyń memlekettiliginiń qalyptasý tarıhyndaǵy mańyzdy oqıǵa ekendigin atap ótti. «Biz Qazaqstanda shynaıy, órkenıetti parlamentarızm qurýdyń aldynda turmyz», dedi Elbasy.
Búginde Qazaqstan Parlamenti – ulttyq memlekettiliktiń negizderin bekitýde mańyzdy ról atqaratyn memlekettik bılik organy. Depýtattardyń basty mindeti – sapaly zańdar qabyldaý jáne qoǵamnyń ózekti máselelerin sheshý.
Memleket basshysy Q.K. Toqaev Qazaqstan halqyna Joldaýyndaǵy parlamentshilerge arnaǵan sózinde: Qos palata birlesip, elimizde júıeli ózgerister men reformalar jasaýǵa qajetti zańnamalyq negiz qalyptastyrdy... Árbir zań jobasynyń qyr-syryna tereń úńilip, ony sapaly daıyndaý kerek. Sizder halyqtyń múddesin qorǵaý úshin árdaıym tabandylyq tanytýǵa tıissizder», – degen bolatyn.
Elbasy kitaphanasy qazaqstandyq parlamentarızmniń 25 jyldyǵyna oraı Qazaqstan Respýblıkasy Parlamentiniń qurylýy men damý tarıhyna arnalǵan beınerolık daıyndady.
