Qazaqstan • 20 Qazan, 2021

Kóshi-qon zańnamasyn buzǵan 1800-ge jýyq sheteldik jaýapqa tartyldy

450 ret

kórsetildi

1 mın

oqý úshin

Nur-Sultanda kóshi-qon zańnamasyn buzǵany úshin 1800-ge jýyq sheteldik jaýapkershilikke tartyldy, dep habarlaıdy Egemen.kz qalalyq PD baspasóz qyzmetine silteme jasap.

Janbolat Kenjeǵul

Kóshi-qon zańnamasyn buzǵan 1800-ge jýyq sheteldik jaýapqa tartyldy

Elorda aýmaǵynda bıylǵy 11-18 qazan aralyǵynda zańsyz kóshi-qon arnalaryn anyqtaý jáne jolyn kesý maqsatynd «Nelegal-Kordon» jedel-aldyn alý is-sharasy ótkizildi.

Polısııa qyzmetkerleri shetel azamattarynyń zańsyz júrýi múmkin degen oryndardy tekserdi. Olar: qonaq úıler, jataqhanalar, qurylys nysandary, bazarlar, vokzaldar, ónerkásiptik aımaqtar.

Osylaısha, jedel aldyn alý is-sharasy barysynda kóshi-qon zańnamasyn buzǵan 2,5 myńnan astam fakti anyqtaldy, onyń ishinde 1788 shetel azamattaryna, 750 fakti QR azamattaryna tirkeldi. Sonymen qatar 70-ke jýyq jumys berýshi jaýapkershilikke tartyldy.

Mamandandyrylǵan sottyń sheshimi boıynsha elden 70 shetel azamaty shyǵarylǵan jáne 587 sheteldikke qatysty QR aýmaǵynda ýaqytsha bolýdy qysqartý týraly sottyń sheshimi jarııalanǵan.

Osy jedel-aldyn alý is-sharasyn ótkizý kezinde izdeýde júrgen 9 qylmysker ustalǵan. Shekaranyń zańsyz jolyn kesýdiń 3 faktisi anyqtalyp, zańsyz kóshi-qondy uıymdastyrǵany úshin 1 quqyq buzýshy ustalǵan.