Aıtýly aksııa Shyǵystan bastaý aldy

Elimizde «Máńgilik El» halyqtyq patrıottyq aksııasy alǵash ret О́skemen qalasyndaǵy Jekpe-jek saraıynda ótti.

Memleket basshysynyń Jol­daýy men «Máńgilik El» ıdeıasyn qoldaýǵa arnalǵan saltanat­ty is-sharaǵa oblys basshysy Berdibek Saparbaev, álemge belgili aqyn Oljas Súleımenov, KSRO jáne Qazaqstan Respýblıkasy Memlekettik syılyqtarynyń laý­reaty, halyq ártisi Asanáli Áshimov, qazaqtyń tuńǵysh ǵa­rysh­keri, Halyq Qaharmany Toq­tar Áýbákirov, Qazaqstan halqy Assambleıasy Tóraǵasynyń oryn­basary Eraly Toǵjanov, Memlekettik syılyqtyń laýreaty, aqyn Nesipbek Aıtuly, Parlament depýtattary Sergeı Plotnıkov, Svetlana Ferho jáne Zýhra Saıa­pova, «Qazaqstan barysy» Aıbek Nuǵymarov jáne «Qazsınk» JShS, «Úlbi metallýrgııa zaýyty» AQ, «О́skemen tıtan-magnıı kombınaty» AQ, «Azııa avto» AQ kásiporyndarynyń ujymdary, joǵary oqý oryndarynyń stý­dentteri, etnobirlestikter jetekshileri qatysty.

Elbasy Nursultan Nazarbaev Qazaqstan halqyna kezekti Jol­daýynda alǵash ret «Máńgilik El» ulttyq ıdeıasyn jarııalady. Osy jaıdy ózek ete sóz sóı­le­gen óńir basshysy Berdibek Sa­parbaev Máńgilik El – ekonomıka­sy qaryshty, halqy bilimdi, mádenıetti, birligi jarasqan memleket bolatynyn, bul qaǵıdanyń bári qazirgi Qazaqstanǵa tán ekenin atap ótti.

Oblys ákimi aksııa barysynda Elbasy Joldaýyn qoldaýǵa arnalǵan «Máńgilik El» atty kitapty Qazaqstan halqy Assam­bleıasy Tóraǵasynyń orynbasary Eraly Toǵjanovqa tapsyrdy. Qurmetti meımandar qol­tań­ba qaldyrǵan kitap Shyǵys Qazaqstan oblysynan bastap búkil memleketimizdi aralap, Assambleıa sessııasy kezinde Memleket basshysy Nursultan Nazarbaevqa tapsyrylmaq.

Sondaı-aq, oblys ákimdigi men óńirdiń iri kásiporyndary «Máńgilik El» aksııasy sheńberinde aımaqtyń damýyna qarjylaı kómek kórsetý maqsatymen eki­jaq­ty memorandýmǵa qol qoıdy. Atap aıtqanda, «Qazsınk» JShS 2014 jylǵa arnalǵan ózara áriptestik týraly memorandým boıynsha jalpy somasy 2 mlrd. 256 mln. teńgege qarjylaı qoldaý kórsetedi. Bul qarajat О́skemen men Rıdder, Zyrıan, Serebrıansk syndy mono­qalalardaǵy medısınalyq qyzmet, bilim berý, mádenıet jáne qyzmet kórsetý salalaryna jumsalady.

«Úlbi metallýrgııa zaýyty» AQ jalpy somasy 288 mln. teń­gege О́skemen qalasynda den­saýlyq saqtaý, mádenıet jáne qyzmet kórsetý, sondaı-aq, qaıy­rymdylyq pen qoǵamdyq uıym­darǵa kómek kórsetpek. «О́skemen tıtan-magnıı kombınaty» AQ 460 mln. teńgege mektepke deıingi mekeme, mektep, eńbek-túzeý mekemeleri, dinı uıymdar jáne basqa da qoǵamdyq uıymdarǵa kómek kórsetýdi qarastyryp otyr.

Merekelik konsertpen jalǵasqan aksııa 3 myńnan asa adamdy qamtydy. Shyǵys Qazaqstanda bastalǵan forým-estafeta ózge óńirlerde jalǵasyp, Táýelsizdik kúninde márege jetedi.

Endi forým qonaqtarynyń pikirlerine qulaq túreıik.

Eraly TOǴJANOV, Qazaqstan halqy Assambleıasy Tóra­ǵasynyń orynbasary:

– Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýynda belgilengen «Máńgilik El» ulttyq ıdeıasyn qoldaýǵa arnalǵan halyqtyq patrıottyq forým bastaýyn Shyǵystan aldy. Atalǵan aksııanyń kóne túrki jurtynyń oshaǵy sanalatyn kıeli Altaıda tusaý kesýi tegin emes. Jahandy úreılendirgen ıadrolyq synaq osy ólkede júrgizildi. Prezıdenttiń atom synaǵyn toqtatýǵa muryndyq bolýy – Qazaqstannyń dúnıjúzilik qaýymdastyqtaǵy ornyn áıgilep, ınvestısııanyń, jańa tehnologııanyń kelýine jaǵdaı jasady. Bul – Qazaq eliniń myńdaǵan jyl tarıhynan, Táýelsizdik kezinde júrip ótken jolynan týǵan ulttyq ıdeıa.

«Máńgilik El» ıdeıasynda jarııalanǵan jeti qaǵıda – barlyǵymyzdy biriktiretin qundylyq. Onyń ómirsheńdigi elimizdiń jarasymdy birligine, Nursultan Nazarbaevtyń qoǵamdyq kelisim modeline negizdelgen. Qazaqstan halqy Assambleıasy «Máńgilik El» patrıottyq forýmyna qatysýshylardy erekshe qoldaıdy.

Oljas SÚLEIMENOV, aqyn, memleket jáne qoǵam qaıratkeri:

– «Máńgilik El» bizdiń sanamyzda nyq oryn alǵan uǵym. Eldiń Máńgilik bolýyn bárimiz armandaımyz. Jastar, olardyń bilim-biligi, talanty biz aıtyp otyrǵan Elimizdiń Máńgiligin qamtamasyz etedi. Búginde Shyǵys Qazaqstan oblysynyń reıtıngisi joǵary. Bul shyǵysqazaqstandyqtardyń, oblys basshysynyń eńbeginiń, erik-jigeriniń nátıjesi.

Asanáli ÁShIMOV, KSRO jáne Qazaqstan Respýblıkasy Memlekettik syılyqtarynyń laýreaty, halyq ártisi:

– Búgin – tarıhı kún, uly kún. Tuńǵysh Prezıdentimizdiń Joldaýyna qoldaý kórsetetin «Máńgilik El» aksııasy elimizde alǵash ret Shyǵysta ótkizilip jatyr. Shyǵys eli maǵan unaıdy. Ár ýaqytta kelgim kelip turady. О́skemende teatr salynyp jatyr. Qurylysty arnaıy baryp kórdim. Bıyl tamyz aıynda kelip teatrdy ashamyz.

Máńgilik El, máńgilik óner, máńgilik ádebıet, máńgilik ǵylym, máńgilik halyq bolsyn! Máńgilik El jasasyn!

Toqtar ÁÝBÁKIROV, qazaqtyń tuńǵysh ǵaryshkeri, Halyq Qaharmany:

– Elimiz egemendik alǵannan beri ulttyq ıdeıany armandap edik. Mine, osy ıdeıa – Máńgilik El. Qazaqstanda kóptegen ult pen ulystyń ókilderi bar. Bárimiz bir el bolyp, Qazaqstandy ári qaraı órkendete bereıik. Qazaqstan álemde órkendegen, qonaqjaı, aýqatty memleketke aınalsyn! Muny qazirgi kezdiń ózinde sezinýge bolady.

Svetlana FERHO, Parlament Májilisiniń depýtaty:

– Bizdiń taǵdyrymyz ben elimizdiń taǵdyry bir. «Máńgilik El» ulttyq ıdeıa­sy – jasampaz joba. Bul – siz ben bizdiń qýatymyz, elimizdiń kóne tarıhy men búginin jalǵastyratyn altyn kópir. Biz búginde ǵylymı óndirisi, ınnovasııasy damyǵan elge aınaldyq. Elimizdiń ishki jaǵdaıynda ǵana emes, halyqaralyq qoǵamdastyqta da tanymal boldyq. Bul – áleýmettik memleket qurýdyń nátıjesi. Biz búginmen ǵana ómir súrmeımiz. Keleshekti josparladyq jáne júzege asyramyz.

Nesipbek AITULY, aqyn, Mem­le­ket­tik syılyqtyń laý­reaty:

– Máńgilik El degen sóz, ońaı emes aıtý da,

Bile bilseń, aǵaıyn, baǵyt – anyq,

oı – týra!

Qý-sumdarmen tildespeı,

otqa túsip, sý keshpeı,

Abyroıǵa bólengen,

qaı zamanda qaı tulǵa?!

Qandaı bolmaq shynynda,

Máńgilik El nyshany?

Týǵan jurttyń tútini,

qaıtsek túzý ushady?

Jer betinde jeti alyp,

jan-jaǵyńnan antalap,

Eregisse ekeýi, eki ókpeńnen qysady.

Máńgilik El bola alsaq,

juldyzymyz janǵany,

Máńgilik El belgisi, jelbiregen týymda.

Erkin júrgen elimde, aspanymda, jerimde.

Erkin ushqan qusymda,

erkin aqqan sýymda.

Ne kórmediń, qazaǵym,

taıtalasqan tirlikte

Máńgilik El belgisi, bereke men birlikte!

Dýman ANASh,

jýrnalıst.

О́skemen.

–––––––––––––––––––

Sýretti túsirgen

Esimhan ORYNBAEV.