JAÝAPKERShILIK JÚGIN ARQALAÝǴA QAShANDA DAIYN
ENRC kompanııasy 2014 jyldyń 1 sáýirinen bastap qazaqstandyq kásiporyndardaǵy óndiristik qyzmetkerlerdiń jalaqylaryn ósirý týraly sheshim qabyldady. Jalaqy barlyq kásiporyndar boıynsha ortasha eseppen 10 paıyzǵa ósiriletin bolady. Bul sheshim keshe Elbasy Nursultan Nazarbaevtyń Úkimettiń keńeıtilgen otyrysynda bergen tapsyrmalaryna sáıkes qabyldanyp otyr.
«О́z jumysymyzdyń barysynda biz árqashan Elbasy men Úkimettiń qoldaýyn sezinemiz. Osyǵan biz rızamyz. Prezıdent Nursultan Nazarbaevtyń jalaqyny ósirý týraly tapsyrmasyn oryndaı otyryp, korporasııa taǵy da bir márte bıznestiń áleýmettik jaýapkershiligine jáne Qazaqstan halqynyń ál-aýqatyn kóterýge múddeliligin kórsetti», dedi osyǵan baılanysty ENRC korporasııasynyń negizgi aksıonerleriniń biri Aleksandr Mashkevıch.
Búgingi tańda ENRC kásiporyndarynda 75 myńnan astam adam jumys istese, onyń 69 myńy Qazaqstan aýmaǵynda ornalasqan kásiporyndarynda eńbek etedi. Teńge baǵamynyń turaqsyzdyǵyna baılanysty kompanııa jalpy Taý-ken ónerkásibi kesheni tárizdi negizgi ónim túrlerine degen baǵanyń tómendeýinen týyndaǵan jaǵymsyz básekelestik jaǵdaıynda jumys istedi. Osy oraıda Qazaqstan Respýblıkasy Ulttyq bankiniń teńge baǵamyn ózgertý týraly qabyldaǵan sheshimi kásiporyndar ekonomıkasyn turaqtandyrýǵa, ıaǵnı óńirler men jalpy eldiń damýyna jaǵymdy yqpal etýge baǵyttalǵan shara bolyp tabylady.
«Ulttyq valıýtanyń naǵyz baǵamyn belgileý bizdiń ınvestısııalyq baǵdarlamalarymyzdy qaıta qaraýǵa jáne jańa jumys oryndaryn qurýǵa múmkindik beredi. ENRC-diń qazaqstandyq kásiporyndaryna kapıtaldyq salymdar 2014 jyly 750 mln. AQSh dollary kóleminde qarastyrylǵan», dedi odan ári óz sózinde A.Mashkevıch.
2012 jyly ekonomıkalyq qıyn jaǵdaıda ENRC qazaqstandyq kásiporyndardaǵy jumysshylardyń jalaqysyn 20 paıyzǵa ósirgen bolatyn. Kompanııa ujymdyq kelisimsharttardaǵy mindetterdi oryndaýdy odan ári jalǵastyrýda. Jáne bıznestiń áleýmettik jaýapkershiligi aıasynda kásiporyn qyzmetkerleriniń turmystyq jaǵdaıyn jaqsartýda qoldan kelgen múmkindikterdi jasap keledi.
ENRC tobynyń óndiristik aktıvteri negizinen Qazaqstan Respýblıkasynda ornalasqan jáne onyń quramyna mynandaı kásiporyndar kiredi: «Qazhrom» TUK, Jáırem KBK, Sokolov-Sarybaı taý-ken baıytý óndiristik birlestigi (SSKО́B), «Qazaqstan alıýmınııi», Qazaqstan elektrolız zaýyty (QEZ), Eýrazııalyq energetıkalyq korporasııa (EEK), «Shubarkól Kómir» jáne ENRC Logistics. Osy kásiporyndarda búginde 70 myńǵa jýyq qazaqstandyqtar eńbek etýde. Naq osy máselelerdi jan-jaqty tilge tıek ete kelip, Aleksandr Mashkevıch ENRC-diń áleýmettik baǵdarlamalary men kásiporyndardaǵy jalaqy tóleýdiń zamanaýı júıeleri qyzmetkerlerdiń áleýmettik jaǵdaıyn jaqsartýǵa baǵyttalǵandyǵyn atap kórsetti.
Jylqybaı JAǴYPARULY,
«Egemen Qazaqstan».
«QAZSINK» EŃBEKAQYNY KО́TERÝGE KEPILDIK BEREDI
Ulttyq valıýta baǵamyna engizilgen ózgerister barshamyzǵa belgili. Atalǵan jaǵdaıda memleketimizdiń azamattar aldyndaǵy áleýmettik mindettemelerdi saqtaýy jáne oryndaýy úlken mańyzǵa ıe. Bizdiń kompanııamyz bul mindettiń ózektiligin jiti túsinedi. Sebebi, kompanııamyz – elimizdegi eń úlken ujymy bar iri kásiporyndardyń biri.
Áleýmettik mindettemelerdi oryndaýdyń negizgi eki tetigi bar. Onyń bir bóligin Úkimet sheshedi. Iаǵnı, turaqtandyrý qory jáne belgilengen baǵany bekitý júıesin qoldaný arqyly halyqqa qajetti áleýmettik-mańyzdy taýar túrlerine baǵa ósiminiń aldyn alatyn is-sharalar qabyldaıdy.
Al ekinshi bóligin elimizdiń bıznes qaýymdastyǵy sheshýi múmkin. Bul – bıznes sektorynyń qolynan keledi dep oılaımyz. Bıznestiń áleýmettik jaýapkershiligi elimizde osy ýaqytqa deıin sátimen júzege asyrylyp keledi. «Qazsınk» kompanııasy da atalǵan baǵdarlama aıasynda Shyǵys Qazaqstan oblysyndaǵy túrli áleýmettik jobalarǵa qoldaý kórsetip keledi.
Memleket basshysy Nursultan Nazarbaev Úkimettiń keńeıtilgen otyrysynda eńbekaqy kóteriletinin aıtty. Memlekettik qyzmetkerlermen birge iri kásiporyndardyń jetekshilerine, onyń ishinde óndiris, taý-ken salasynda jumysshylardyń eńbekaqysyn 10 paıyzǵa kóterýge shaqyrdy. Biz Elbasynyń úndeýin qabyl ala otyryp, aǵymdaǵy jyldyń sáýir aıynan bastap «Kazsınk» kásiporny toby qyzmetkerleriniń eńbekaqysyn kóterýge kepildik beremiz. Bul – bizdiń ujym qyzmetkerlerin qýanta otyryp, eńbek ónimdiligin arttyra túsedi degen senimdemiz.
Nıkolaı POPOVICh,
«Qazsınk» JShS basqarma tóraǵasy.
JALAQYNY О́SIRÝ MÁSELESI ShEShILEDI
Halyqtyń qamyn qashanda birinshi kezekte oılaıtyn Elbasynyń keshe Úkimettiń keńeıtilgen otyrysynda taý-ken, metallýrgııalyq, munaı-gaz sektoryndaǵy jáne ulttyq kompanııalarǵa qyzmetkerleriniń jalaqysyn kóterý máselesin qarastyrýdy usynýy óndiristi óńir jurtshylyǵy tarapynan zor rızalyq týǵyzdy. Otandyq ındýstrııanyń qara shańyraǵy ári kósh bastaýshysy sanalatyn aımaqtyń basym bóligi osy sala eńbekkerleri bolýyna baılanysty bul usynys qýana qarsy alynsa, ile ony «Arselor Mıttal Temirtaý» AQ alǵashqylardyń biri bolyp qoldaýy kóńilden shyqty. Mundaı sheshimdi atalǵan kompanııanyń bas dırektory Vıdjaı Mahadevan myrza Astanadaǵy alqaly jıynnan soń metallýrgııalyq kombınattyń ujymy ókilderiniń qatysýymen ótken kezdesýde málim etti. Onda «Biz Qazaqstan Respýblıkasynyń Prezıdenti N.Á.Nazarbaevtyń qalyń qaýymnyń múddesin kózdeýin túsinistikpen qabyldap, óz erkimizben 1 sáýirden bastap metallýrgter men shahterlerdiń, barlyq qyzmetkerlerdiń eńbekaqysyn 10 paıyzǵa arttyrýdy uıǵardyq», dedi ol.
Kompanııanyń ákimshilik dırektory Andjeı Vypıh budan ári oı-pikirlerin ortaǵa salǵandaı, kásiporyn óndirisindegi keıingi jyldardaǵy qıyn jaǵdaıǵa qaramastan ujym músheleriniń eń ózekti máselesi ońtaıyn tabýǵa barlyq múmkindikterdi qarastyrý nazardan tys qalǵan emes. Elbasynyń qazirgi qarjylyq ózgeristerge sáıkes áleýmettiń álýetin saqtaýǵa úndeýi oǵan múddelestikti kúsheıte túskeni atalyp, úlken qozǵaý salynǵany aıtyldy. Bir táýiri, sońǵy úsh-tórt jyldaǵy qıyndyqtardyń beti qaıtýy biline bastapty. Máselen, byltyrǵy jyldyń aıaǵy men bıylǵy jyldyń basyndaǵy jumys yrǵaǵy óndiris tynysyn qalpyna keltirýge úmittendiredi. О́nimniń ózindik qunyn qalyptastyrýǵa, syrtqy rynokqa ónimder ótkizýdi ulǵaıtýǵa, básekelestik qabiletti kúsheıtýge múmkindik keńeıgen. Kórshi elderge sonyń ishinde, Iranǵa eksport kólemi ósip keledi.
Kompanııanyń kombınattyń kúsh-qýatyn arttyrý baǵytyndaǵy maqsatynan aınymaıtyndyǵy da ortaǵa salynbaı ótpedi. Búgingi negizgi mindet – tabysty tolyqtyryp, eseleı túsý. Tabys mol bolýyna oraı barlyq áleýmettik máselelerdiń sheshilýi de jeńil, eńbekkerlerdiń jalaqysy da óse túspek. Qazaqstandyq metallýrgııanyń alybynyń adymy alymdy bolaryna senim nyq, dedi ol.
Biz osy kezdesýge kelgen birneshe metallýrgpen tildeskenimizde, solardyń biri – jas gornovoıshy Álibek Alpysbekov aıtqandaı, eldigimiz pen birligimiz, erligimiz ben eńbegimiz synalatyn, synyna júrip shyńdalatyn synaq qazir. «Men jas maman retinde Elbasynyń halyqqa qamqorlyǵyn árdaıym jaqsy sezinemin. Sonyń taǵy bir aıǵaǵy – eńbekaqymyzdy kóterýge ún tastaýy boldy. Rasy kerek, bulaı bolmaǵanda kompanııa ázirge áreket jasaýy beımálim edi. Aıanbaı eńbek etý arqyly óz ıgiligimizdi eseleý bizge de mereıli mindet», degen onyń sózin áriptesteri qostap, turaqty ahýaldyń saqtalýyna rızalyq bildirdi. Qansha degenmen qarjylyq ózgeriske, baǵanyń eptep qymbattaýyna baılanysty qobaljý, abyrjý bilinip turǵan kezde eńbekaqynyń óspektigi kóńilge mol demeý emes pe. Bul Elbasy usynysynyń arqasynda dep biledi metallýrgter men shahterler. Talaı qıyndyqty bastan ótkergen qajyrly eńbekker qaýym erik-jigeri osy syn shaqty da salmaqtylyqpen kótere bilýdi sezdirdi.
1930 jyldan beri mys óndirip kele jatqan «Qazaqmys» kompanııasy óńir ekonomıkasynyń ózegin quraıdy. Naryqtyq kapıtaldandyrý baǵasy 2012 jyldyń aıaǵynyń ózinde 6,6 mlrd. AQSh dollary bolǵan kásiporyn basshylyǵy da Prezıdent Nursultan Nazarbaevtyń jalaqyny kóterý jónindegi usynysyn qoldaıtyndyǵy kúmánsiz. Bul jóninde naqty sheshim dál keshe qabyldana qoımaǵanymen, Elbasynyń eńbek adamynyń jaǵdaıyn jasaýǵa qatysty oıy mys óndirýshilerdiń jumysyn uıymdastyrýshylar tarapynan túsinistik taýyp otyr. Kompanııa basshylyǵy osy másele boıynsha taıaý kúnderde arnaýly málimdeme jasamaqshy.
Aıqyn NESIPBAI,
«Egemen Qazaqstan».
TEMIRTAÝ.
