Qazaqstan • 21 Qazan, 2021

Oqý úderisin sapaly uıymdastyrǵan utady

30 ret kórsetildi

Ishki ister mınıstrliginde IIM oqý oryndaryn damytý perspektıvalary qarastyrylǵan jedel keńes ótti. Keńes barysynda Prezıdenttiń tapsyrmalaryn jáne vedomstvolyq bilim berýdi jańǵyrtý jónindegi jol kartasyn oryndaý boıynsha esepter tyńdaldy.

Polısııanyń «servıstik modeline», qyl­mystyq prosestiń úsh býyndy modeline kóshirýdi qamtıtyn oqý baǵdarlamalary men josparlary talqylandy.

Mınıstr Erlan Turǵymbaev basym nazar aýdarýdy talap etetin birqatar baǵyty belgiledi, bolashaq IIO qyzmetkerleriniń oqý prosesin sapaly uıymdastyrýdyń mańyzdylyǵyn atap ótti, problemalyq máselelerdi qarady, olardy sheshý joldaryn anyqtady. Osylaısha, professorlyq-oqytýshylyq quramdy jasaqtaý, onyń biliktiligin, sondaı-aq oqý oryndarynyń ǵylymı áleýetin arttyrý, ishki ister organdaryn jańǵyrtýdyń 2022-2024 jyldarǵa arnalǵan ekinshi kezeńin daıyndaý sheńberinde nor­matıvtik-quqyqtyq bazany jetildirý jóninde naqty nusqaýlar berildi.

Mınıstr sondaı-aq kıberqylmyskerlerge qarsy is-qımyldyń tıimdiligin arttyrýǵa baǵyt­talǵan jáne kıber­qaýip­ter táýekelderin bas­qarý, aqparattyq qaýip­sizdik pen kıber shabýyl­darǵa tózimdilikti qamta­masyz etý tásil­deri, joǵary tehnologııalar sala­syndaǵy qyl­mys­tarǵa qarsy is-qımyldyń ózekti problema­laryn zerdeleý jáne t. b. taqy­ryptardy qam­tıtyn kı­ber­qaýip­sizdik boıynsha baǵyttardy kú­sheıtýdiń mańyz­dylyǵyn atap ótti.

Joǵary oqý oryndaryna krımınalıstıka salasynda joǵary bilikti kadrlardy sapaly daıar­­laýdy qamtamasyz etý jáne polısııanyń «servıstik modelinde» ortalyq tulǵaǵa aınalatyn ýchaskelik ınspektorlardyń neǵurlym muqııat akademııalyq daıyndyǵyn qamtamasyz etý qajettiligi boıynsha mindetter qoıyldy. IIM beıindik joǵary oqý oryndarynyń tereń teorııalyq jáne praktıkalyq daıyndyqtan ótken mamandardy qalyptastyrý boıynsha óziniń kópjyldyq tarıhy bar ekenin atap ótken jón.

Joǵary oqý oryndarynyń dástúri boıyn­sha ardagerler adaldyq, óz isine berilgendik jáne qyzmettik boryshyn janqııarlyqpen oryn­daý sııaqty asyl qasıetterdi IIO-nyń jas qyzmetkerlerine berip otyrady. Búgingi tańda oqý oryndaryn ońtaılandyrý júrgizildi, IIO úshin mamandar daıarlaý IIM-niń bes oqý ornynda júrgizilýde. Jedel-izdestirý, jedel-krımınalıstıkalyq, ákimshilik-quqyqtyq jáne qylmystyq-atqarý qyzmeti, sotqa deıingi tergeý, aqparattyq júıeler, radıotehnıka, elektronıka jáne telekommýnıkasııalar boıynsha kásibı
daıarlaý fakýltetteri jumys isteıdi.

Daıyndyq joǵary oqý ornynan keıingi bilim berý fakýltetterinde magıstratýra jáne doktorantýra baǵdarlamasy boıynsha júrgiziledi. Budan basqa, jyl saıyn kadrlardyń biliktiligin arttyrý jáne qaıta daıarlaý kýrstarynan 5000-nan astam qyzmetker ótse, qazirgi ýaqytta, tutastaı alǵanda, joǵary oqý oryndarynda 1,6 myń kýrsant oqıdy.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar