Qoǵam • 21 Qazan, 2021

Túrkistan oblysynda Dostyq úıi salynady

28 ret kórsetildi

Qazaqstan halqy Assambleıasy Keńesiniń keńeıtilgen otyrysyna QR Prezıdenti Qasym-Jomart Toqaev Túrkistan oblysynda Dostyq úıin salýdy tapsyrdy, dep habarlaıdy Egemen.kz.

Prezıdenttiń tóraǵalyq etýimen ótip jatqan otyrysta birinshi bolyp Túrkistan oblysynda etnosaralyq ahýal talqyǵa tústi.

«Statıstıka boıynsha, Túrkistan oblysynda túrli turmystyq janjaldar az emes. О́zińiz de mysal retinde Shornaq, Qarabulaq eldi mekenderinde bolǵan oqıǵalar týraly aıttyńyz. Turmystyq deńgeıde bolsa da, dál osyndaı jaǵdaılarǵa basa mán berý kerek. Eń aldymen mundaı oqıǵalar ulttyq sıpatqa ulaspaýy qajet. Bul – birinshi másele. Ekinshi másele, Túrkistan oblysynda Dostyq úıin ashý kerek. Mundaı úıler óńirlerdiń bárinde bar. Mundaı úıler saltanatty májilisterdiń zalyna aınalmaýy kerek. Men bul týraly keıin keńirek aıtam. Dostyq úıleri sarapshylardy shaqyryp, týyndaıtyn problemalardy praktıkalyq turǵyda talqylaı alatyn halyq ókilderin qabyldaýy kerek. Osyǵan qatysty qandaı josparlaryńyz bar», dep surady Memleket basshysy Túrkistan oblysynyń ákiminen.

Oblys ákimi О́mirzaq Shókeev óńirde etnosaralyq ahýaldyń tamyryn basyp otyratyn monıtorıng ortalyq jemisti jumys istep turǵanyn atady.

«Shyn máninde jańaǵy Shornaqta, Qarabulaqta oqıǵa oryn aldy. Olardyń aldyn alý úshin bizde 2019 jyldan bastap etnosaralyq shıelenisterdi tikeleı zertteıtin monıtorıngtik ortalyq ashyldy. Onda tek qana álimetterdi tek bılik oryndarynan emes, júıeli áleýmettik jeliden, azamattardyń bergen ótinishterinen, shuǵyl málimet jınaıtyn qoǵamdyq oryndardan jınap, sony saraptaýǵa kóshti.

Sonyń arqasynda 2019 jyly Shornaq eldi mekeninde osyndaı táýekel bar ekenine kózimiz jetti. Sol jerde tıisti sharalar qoldanyp, eki jaqty qarııalaryn jınap, olarmen máslıhat ótkizip, sol jerdegi quqyq qorǵaý organdarynyń jumysyn nyǵaıtyp, áreket jasadyq. Sonyń arqasynda 2020 jylǵy kıkiljiń de qantógis te bolmaı, másele birneshe saǵattyń ishinde rettelgen bolatyn», dedi aımaq basshysy.

Sondaı-aq, ol Prezıdenttiń eskertpesi boıynsha Túrkistan óńirinde jańa Dostyq úıi salynatynyn aıtty.

«Bizdiń assambleıanyń Dostyq úıi bolǵan. Biraq ol Shymkent qalasynda ornalasqan edi. Ony Shymkent qalasynyń suraýymen qala ákimdiginiń balansyna berdik. Qazir assambleıa basqarmalar úıinde ornalasqan. Sizdiń aıtqan eskertpelerińizdi eskere otyryp, jańa úlgidegi Dostyq úıin salamyz dep oılaımyn», dedi О́mirzaq Shókeev.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar