Qazaqstan • 21 Qazan, 2021

Qazaqstan Halqy Assambleıasy keńesiniń keńeıtilgen otyrysy ótti

74 ret kórsetildi

2021 jylǵy 21 qazanda Qazaqstan Respýblıkasynyń Prezıdenti, QHA tóraǵasy Qasym-Jomart Toqaevtyń tóraǵalyǵymen Qazaqstan halqy Assambleıasy Keńesiniń keńeıtilgen otyrysy ótti, dep habarlaıdy Egemen.kz AQDM-nyń baspasóz qyzmetine silteme jasap.

Is-sharaǵa Qazaqstan Respýblıkasynyń Memlekettik hatshysy Q.Kósherbaev, Qazaqstan Respýblıkasy Prezıdenti Ákimshiliginiń Basshysy E.Qoshanov, Qazaqstan Respýblıkasynyń Tuńǵysh Prezıdenti – Elbasy Keńsesiniń Basshysy M.Qasymbekov, Qazaqstan halqy Assambleıasy Tóraǵasynyń orynbasary – Hatshylyq meńgerýshisi M.Ázilhanov, ortalyq jáne jergilikti atqarýshy organdardyń basshylary, Qazaqstan Respýblıkasy Parlamentiniń depýtattary, Nur-Sultan, Almaty, Shymkent jáne oblystardyń ákimderi – QHA tóraǵalary, QHA Keńesiniń músheleri, etnomádenı birlestikterdiń, ǵylymı jáne shyǵarmashylyq zııaly qaýymnyń ókilderi, qoǵam qaıratkerleri qatysty.

Otyrys barysynda Qazaqstan halqy Assambleıasy XXIX sessııasynyń sheshimderin jáne Memleket basshysynyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn iske asyrý turǵysynan Qazaqstan halqy Assambleıasy men memlekettik organdardyń basty mindetteri talqylandy. Assambleıa biryńǵaı azamattyq ult qurýǵa, qazaqstandyqtardy áleýmettik-mádenı, qoǵamdyq jáne bilim berý prosesterine keńinen tartýǵa baǵyttalǵan jańa tásilderdi engizýdi jalǵastyryp jatqandyǵy atap ótildi.

Sondaı-aq otyrysta Túrkistan oblysy Qazaqstan halqy Assambleıasy men QHA Analar keńesiniń etnosaralyq kelisimdi nyǵaıtý jónindegi qyzmetiniń ózekti máseleleri qaraldy.

Atap aıtqanda, Túrkistan oblysynyń ákimi О́mirzaq Shókeev óńirdegi Qazaqstan halqy Assambleıasynyń úılesimdi etnosaralyq qatynastardy nyǵaıtý jónindegi qyzmeti týraly aıtyp berdi. Oblysta 50 túrli etnos ókilderi turady, bul, oblys halqynyń 25 paıyzyn quraıdy, turǵyndar úshin mádenıet pen dástúrdi damytýǵa barlyq qajetti jaǵdaılar men ınfraqurylym jasalǵan.

Qazaqstan halqy Assambleıasynyń respýblıkalyq Analar keńesiniń tóraǵasy Nazıpa Shanaı osy qoǵamdyq qurylymnyń qyzmetine toqtaldy. Analar keńesteri ajyrasýlar men turmystyq zorlyq-zombylyqtyń, jastar arasyndaǵy sýısıdtiń aldyn alý, ınternetke táýeldilik, nashaqorlyq taralýynyń aldyn alý jáne t.b. ózekti áleýmettik problemalarmen aınalysady, osy baǵyttar boıynsha jobalarda 44 myńnan astam adam qamtylǵan.

Qazaqstandaǵy etnosaralyq toleranttylyq týraly aıta kele, spıker búginde elimizde 800-den astam otbasy túrli etnostardyń balalaryn tárbıelep otyrǵanyn atap ótti. Mysal retinde Qostanaı oblysy Altynsarın kentinen Tólegenovter otbasyn keltirdi. Olardyń 12 balasy bar: altaýy – qazaq, úsheýi – orys, ekeýi – tatar, bireýi – bashqurt. 2014 jyly oblystyq QHA Analar keńesiniń bastamasymen «Asar» aksııasy aıasynda bul otbasy úshin keń úı salyndy.

Sonymen qatar spıkerlerdiń baıandamalarynda azamattardy biryńǵaı qazaqstandyq qoǵamǵa neǵurlym tyǵyz ıntegrasııalaý, oqýshylardyń básekege qabilettiligin arttyrý faktory retinde memlekettik tildi oqytý máseleleri, ınternet jáne balalardy tárbıeleý problemalary, balalarǵa arnalǵan sapaly medıa-kontentti qalyptastyrý, kıberbýllıng, kóp balaly analardy áleýmettendirý jáne t.b. ózekti taqyryptar kóterildi.

Is-shara sońynda Memleket basshysy Qazaqstan halqy Assambleıasy men memlekettik organdardyń qoǵamdaǵy birlik pen kelisimdi qamtamasyz etý salasyndaǵy qyzmeti men mindetteriniń basymdyqtaryn atap ótti.

Prezıdent etnosaralyq negizde kemsitýshilik pen janjaldarǵa jol bermeý, arandatýlar men Qazaqstandaǵy etnosaralyq beıbitshilik pen kelisimdi turaqsyzdandyrý áreketterin boldyrmaý qajettigine nazar aýdardy.

Memlekettik organdar men ákimdikterge Analar keńesi men Assambleıanyń jastar qozǵalysynyń qyzmetine, ınternettegi zańnamaǵa qaıshy kontentpen kúres, kıberbýllıngke qarsy is-qımyl jónindegi azamattyq bastamalarǵa jan-jaqty qoldaý kórsetý tapsyryldy.

 

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar