Qoǵam • 21 Qazan, 2021

Zaǵıp jandarǵa arnalǵan kitaphanalar qory artady

835 ret

kórsetildi

1 mın

oqý úshin

Zaǵıp jáne kózi nashar kóretinderge arnalǵan kitaphanalar qory ulǵaıtylady. Bul týraly Ortalyq kommýnıkasııalar qyzmetinde «Ulttyq rýhanı jańǵyrý» ulttyq jobasy maqsatyn túsindirý kezinde QR Mádenıet jáne sport vıse-mınıstri Nurqısa Dáýeshov aıtty, dep habarlaıdy Egemen.kz.

Dana MYRZAQADIR

Zaǵıp jandarǵa arnalǵan kitaphanalar qory artady

Mınıstrlik ulttyq jobanyń «El rýhy» II-baǵyty aıasynda Zaǵıp jáne kózi nashar kóretinderge arnalǵan kitaphanalar qoryn, sonyń ishinde memlekettik tildegi qordy ulǵaıtý is-sharasyn júrgizýde. Bul baǵyttaǵy jumys elimizdegi múmkindigi shekteýli adamdar úshin teń qoljetimdilikti qalyptastyrý jáne olardyń áleýetin iske asyrý maqsatynda 2025 jylǵa deıingi kezeńdi qarastyrady.

Osy baǵyttaǵy jumystar elimizdegi zaǵıp jáne nashar kóretin azamattarǵa arnalǵan kitaphanalarmen birlese júrgiziledi. Atalǵan kitaphana oqyrmandarynyń negizgi aqparat kózi - bederli-núkteli shrıftpen, ıaǵnı Braıl qarpindegi kitaptar. Bul rette, mınıstrliktiń 2021-2023 jyldarǵa arnalǵan bıýdjettik josparynda jyl saıyn Zaǵıp jáne nashar kóretin azamattarǵa arnalǵan respýblıkalyq kitaphanaǵa braıl prınteri men braıldiń portatıvti taktıldi dıspleılerin, materıaldyq emes aktıvterdi satyp alý úshin jáne kitaphana qoryn tolyqtyrýǵa tıisti qarajat qarastyrylǵan.