Jetisaı aýdandyq PB-ǵa jergilikti turǵyn aryzdandy. Onda jábirlenýshi er adam, ózine tıesili esepshottarynyń barlyǵy buǵattalǵanyn, al bankterden sebebin suraǵanynda tólenbeı qalǵan nesıesi baryn biledi.
Atalǵan jaıtty polıseıler QK-niń 190-baby (Alaıaqtyq) boıynsha tirkedi. Oryn alǵan alaıaqtyq qylmysyn tez arada ashyp, kúdiktini quryqtaý maqsatynda aýdannyń polıseılerinen arnaıy top qurylyp, jumys istegen.
«Onyń ishinde Jetisaı APB KPB qyzmetkeri Ǵanı Kalenov eki táýlik boıy jan-jaqty izdestirý sharalaryn júrgizdi. Nátıjesinde polıseıler, kúdiktini Shymkent qalasyndaǵy jaldamaly páterlerdiń birinen ustady. Ol buryn bankterdiń biriniń nesıe jónindegi menedjeri bolyp jumys istegen jergilikti turǵyn bolyp shyqty. Belgili bolǵandaı kúdikti azamat óziniń qyzmetin asyra paıdalanyp, taýyp alǵan jábirlenýshiniń jeke kýáligin paıdalana otyryp, 2007 jyly nesıe rásimdegen. Iаǵnı 89 myń teńgege teledıdar alyp, taýarlyq nesıe kelisim-shartyn jasap, ózi jábirlenýshiniń atynan qol qoıyp jibergen», delingen PD baspasóz qyzmeti taratqan habarlamada.
Osylaısha 14 jyl buryn jasalǵan qylmys polıseılerdiń kásibı sheberligi arqasynda ashylyp, kúdikti quryqtaldy.
