Álem • 22 Qazan, 2021

Reseıde joıqyn jarylystan 15 adam qaza tapty

108 ret kórsetildi

22 qazan tańerteń Rıazan oblysynda jarylǵysh zat óndiretin «Razrıad» kompanııasynyń sehynda órt boldy. Sońǵy málimetter boıynsha sonyń saldarynan 15 adam kóz jumdy, dep habarlaıdy Egemen.kz.

Bul týraly TASS agenttigi málimdedi.

Shılov aýdany Lesnoe poselkisindegi bul oqıǵaǵa qatysty aqparat Tótenshe jaǵdaılar mınıstrligine Máskeý ýaqytymen saǵat 08:22 kezinde habarlandy. О́rt bir qabatty sehta bolǵan jáne onda jarylǵysh zat saqtalǵan.

О́rt 160 sharshy metr aýdanda aýyzdyqtalyp, qazirgi kezde qyzyl jalyn sóndirildi.

Belgili bolǵandaı, seh ǵımaraty tolyqtaı qırap, opyrylyp túsken. Tek jekeleı qurylystar ǵana órt saldarynan buzylmaǵan.

Rıazan oblysynyń bıligi 15 adamnyń qaza bolǵanyn rastady. Atalǵan oqıǵa boıynsha RF tergeý komıteti tekserýdi bastap ketti. Ǵımaratynda órt bolǵan «Razrıad» JShQ ónerkásiptik jarylǵysh zat shyǵarýǵa mamandanǵan. Sonymen qatar kásiporyn oq-dárini ýtılızasııalaýmen aınalysyp keldi.

Sońǵy jańalyqtar

Uqsas jańalyqtar