Bul týraly Strategııalyq josparlaý jáne reformalar agenttiginiń tóraǵasy Qaırat Kelimbetov Egemen Qazaqstan gazetine bergen suhbatynda aıtty.
Onyń aıtýynsha, Ulttyq jobalar tek bir ǵana mınıstrliktiń nemese jergilikti atqarýshy organnyń jumysymen erekshelenbeıdi. Barlyq máselelerde mınıstrlikterdiń jáne ákimdikterdiń birlesken jumysynyń nátıjesi nazarǵa alynbaq.
«Bilim berý salasynda respýblıka boıynsha sapaly bilim berýmen qamtamasyz etý mańyzdy. Qalada bolsyn, aýylda bolsyn, sapaly bilim berilýi kerek. Qala men aýyl arasyndaǵy bilim sapasyn birdeı etý kerek. Osy maqsatta myń shaqty mektep salynady. 3-6 jas aralyǵyndaǵy balalar 100% balabaqshamen qamtylady. Aýyl mektepteri 100% jańartylady. Bul óte úlken mindet, biraq úkimet aldaǵy ýaqytta muny oryndaýǵa qarajat jetkilikti dep sanaıdy. Úsh aýysymdy mektepter birjola joıylyp, ary ketse eki aýysym ǵana bolady. Árıne, mektep salýmen bilim sapasy jaqsaryp ketpeıdi. Sol úshin Bilim jáne ǵylym mınıstrligi muǵalimderdi daıyndaýǵa, baǵdarlama jazýǵa da jumys isteıdi», dedi ol.
