Qoǵam • 25 Qazan, 2021

«Eńbek» baǵdarlamasy qansha adamdy eńbekpen qamtydy?

54 ret kórsetildi

2021 jyldyń 9 aıynda «Eńbek» memlekettik baǵdarlamasyna 528 myńnan astam adam qatysty, dep habarlaıdy Egemen.kz.

1 qazandaǵy jaǵdaı boıynsha 528 myńnan astam adam Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna qatysty.

377,3 myń adam jumysqa ornalasty, onyń 252,9 myńy turaqty jumysqa turdy.

Baǵdarlamanyń birinshi baǵyty aıasynda qysqa merzimdi kýrstarǵa 16,4 myń adam, TjKB boıynsha oqýǵa 14,4 myń adam jiberildi.

6,5 myńnan astam adam óz isin ashý úshin jeńildikti mıkrokredıt, al 22,2 myńy qaıtarymsyz memlekettik grant aldy.

Sýbsıdııalanatyn jumys oryndaryna 165,4 myń adam jumysqa ornalastyryldy, onyń ishinde: áleýmettik jumys oryndaryna 17,4 myń adam;

jastar praktıkasyna – 24,3 myń adam; qoǵamdyq jumystarǵa – 123,7 myń adam. Eńbek resýrstarynyń utqyrlyǵy sheńberinde 1 632 otbasy nemese 5 532 adam qonys aýdardy, onyń ishinde 2 351 adam - eńbekke qabiletti jasta.

Onyń ishinde 1 679 adam jańa turǵylyqty jerinde turaqty jumysqa ornalastyryldy jáne 119 adam kásipkerlik qyzmetpen aınalysady, 9 adam oqýǵa jiberildi.

Esterińizge sala keteıik, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalastyryldy, onyń 319,2 myńy turaqty jumysqa turdy. Jappaı kásipkerlikti damytýǵa 12,7 myń mıkrokredıt jáne jańa bıznes-ıdeıalardy iske asyrýǵa 44,9 myń qaıtarymsyz memlekettik grant berildi. Qysqa merzimdi oqytý kýrstaryna 18,7 myń adam jiberildi, al TjKB uıymdarynda oqytýmen 18,4 myń adam qamtyldy.

Budan basqa, eńbek resýrstarynyń utqyrlyǵyn arttyrý sheńberinde jumys kúshi artyq óńirlerden quramynda 5,8 myń adam bar 1,8 myń otbasy qonys aýdardy.

Sońǵy jańalyqtar

Almaty qalpyna keltirilýde

Aımaqtar • Keshe

Dalanyń dara kúıshisi

О́ner • Keshe

Uqsas jańalyqtar