Oblıgasııa ornalastyrylǵannan keıin Qor kýpon boıynsha eń tómengi mólsherlemege, sondaı-aq AQSh dollarymen eseptegende, TMD elderi arasyndaǵy emıtentterdiń shyǵarylymy arasynda táýelsiz eýrooblıgasııalarǵa shaqqandaǵy eń tar spredke qol jetkizip otyr. Shyǵarylymnyń baǵasy «Samuryq-Qazyna» komandasy 18-20 qazan aralyǵynda halyqaralyq ınvestorlardyń qatysýymen beıne-konferensııa formatynda uıymdastyrǵan roýd-shoýdan keıin qalyptasqan.
Qordyń baspasóz qyzmeti taratqan aqparatqa súıensek, ótinimder kitaby (book-building) endi qalyptasyp jatqan kezde oblıgasııalarǵa degen jalpy suranys bastapqy usynystardan úsh esege jýyq artyq bolǵan. Sonyń nátıjesinde, mámileniń sońǵy dıapazony 2,3% +/- 5 bazıstik tarmaqqa (WPIR) deıin tómendep, mámile 2,25% (reoffer yeild) deńgeıindegi tabyspen aıaqtalǵan.
О́tinimderdiń sońǵy tizimine álemdegi eń ozyq ınvestorlar engen, olardyń arasynda AQSh, Eýropa, Ulybrıtanııanyń iri qorlary men aktıvterdi basqarý kompanııalary bar. Jalpy, «Samuryq-Qazynanyń» osy shyǵarylymyna 70 halyqaralyq ınvestor qatysqanyn aıta ketý kerek.
Oblıgasııalar naryǵyn qoldap, damytý maqsatynda jáne el ishinde eýrooblıgasııalar boıynsha tabysty saqtap qalý úshin allokasııa kezinde saýda-sattyqqa qazaqstandyq KASE jáne AIX bırjalary arqyly qatysqan Qazaqstan ınvestorlaryna basymdyq berilgeni habarlanyp otyr. Bul satylym sondaı-aq LSE, ıaǵnı, London qor bırjasynyń tizimine enedi dep boljanyp otyr.
Aıta keteıik, mámileni qazaqstandyq menedjer kompanııalar First Heartland Securities AQ men «Frıdom Fınans» AQ-men birlese otyryp, birlesken jetekshi menedjerler men býkrannerler retinde jumys isteıtin Citi, MUFG, UBS jáne VTB Capital atty halyqaralyq bankter uıymdastyrdy.
