Konferensııaǵa Astana memlekettik qyzmet haby Basqarýshy komıtetiniń tóraǵasy Alıhan Baımenov, QR Memlekettik qyzmet agenttigi tóraǵasy Anar Jaılǵanova, BUUDB-nyń Qazaqstandaǵy Turaqty О́kili Iаkýp Berısh, EYDU-nyń Memlekettik basqarý dırektoratynyń basshysy Elza Pılıchovskı, Eýropalyq Odaqtyń Qazaqstandaǵy ókildigi Yntymaqtastyq bóliminiń basshysy Iohannes Steınbek Madsen, Dúnıejúzilik Bankt Qazaqstandaǵy óńirlik menedjeri Jan-Fransýa Marto, QR SIM departament dırektory Dıdar Temenov qatysty.
Halyqaralyq is-sharany ashqan Astana memlekettik qyzmet haby basqarýshy komıtetiniń tóraǵasy Álıhan Baımenov bir jarym jyl ishinde úkimetter birshama tájirıbe jınaqtaǵanyn, sonymen birge keıbir taǵylymdar týraly da aıtýǵa bolatynyn atap ótti.
«Birinshiden, daǵdarys jaǵdaıynda tez sheshim qabyldaý qajettiligi úkimetterdiń esep berýshiligi men ashyqtyǵyna tejeý bolmaý kerek. Ekinshiden, pandemııa jedeldetken memlekettik basqarýdy sıfrlyq transformasııalaý azamattardyń quqyqtary men bostandyqtaryna nuqsan keltirmeýi qajet. Úshinshiden, ınternet pen áleýmettik jelilerge qoljetimdilik halyqaralyq quqyqpen qorǵalyp, adamnyń ajyraǵysyz quqyqtary retinde tanylýy tıis. Munyń bári «jyldam jeńister» men strategııalyq maqsattar arasynda teńgerimniń bolý mańyzyn kórsetedi», dedi ol.
Astana memlekettik qyzmet haby basqarýshy komıtetiniń tóraǵasy osy turǵyda úzdiksiz bilim men tájirıbe almasýdyń mańyzy artyp kele jatqanyna basa nazar aýdartty.
«Bıylǵy konferensııanyń taqyryby osy kezeńde biz sezinip otyrǵan baılanystar men kommýnıkasııalardy nyǵaıtýǵa, memlekettik basqarý júıesin odan ári transformasııalaý maqsatynda jańa ıdeıalar, tásilder men sheshimder týdyratyn neǵurlym tyǵyz ózara is-qımylǵa degen qajettilikti barynsha jaqsy kórsetedi», dedi QR Memlekettik qyzmet agenttigi tóraǵasy Anar Jaılǵanova.
Konferensııa aıasynda Astana haby júzege asyrylatyn birqatar jańa jobalar tanystyryly ótti:
- Koreıa Respýblıkasy Ishki ister jáne qaýipsizdik mınıstrligi jáne Ulttyq aqparattyq qoǵam agenttigimen birlesip júzege asyrylyp jatqan «Memlekettik basqarýdaǵy jáne memlekettik qyzmetterdi kórsetýdi sıfrlandyrýdaǵy ınnovasııalar úshin áleýetti nyǵaıtý» óńirlik jobasy;
- «Zerde» Ulttyq ınfokommýnıkasııa holdıngi» AQ-men birlesip iske asyrylyp jatqan Memlekettik basqarýdaǵy ınnovasııalardy akselerasııalaý zerthanasy;
- Memlekettik sektordaǵy ótemaqy júıelerine salystyrmaly sholý nátıjeleri;
- «Postkeńestik on bes eldegi memlekettik basqarý evolıýsııasy: transformasııa alýandyǵy» atty jańa kitap boıynsha brıfıng.
Habtyń 80-nen astam ınstıtýsıonaldyq áriptesteri bar, sondyqtan 28 jáne 29 qazandaǵy konferensııa Habtyń áriptestermen birlesken paneldik sessııalarmen jalǵasady.
Aıta ketsek, konferensııa jumysyna álemniń 40-tan astam elinen memlekettik qyzmet ýákiletti organdary basshylary, sarapshylar, ǵalymdar, sondaı-aq halyqaralyq uıymdar ókilderi qatysyp jatyr.
Is-shara 27-29 qazan aralyǵynda Nur-Sultan qalasynda offlaın jáne onlaın formatynda ótedi.
