О́ner • 28 Qazan, 2021

Sırkte qaıta estilgen kúlkiler kúmbiri

72 ret kórsetildi

Jahandyq pandemııa ásirese, sırk janryna qyzmet etetin ónerpazdarǵa ońaıǵa tıgen joq. Osy bir kúrdeli kezeńde sahna saltanaty men kishkentaı kórermenderdiń qoshemetine bólenip kelgen janýarlar da tynshý tapqandaı bolǵanymen, Qazaq memlekettik sırki qarap jatpaı, oqshaýlanyp, jańa nómirlerin daıyndap jatqan edi.

Endi mine, qarashanyń yz­ǵary kúshine mingenge deıin jal­ǵasatyn Excentriko atty jańa sırk baǵdarlamasy alǵashqy kórermenderiniń kóńilinen shyq­ty. Mektepterdiń kúzgi demalysyna arnaıy daıyndalǵan jańa baǵdarlama qyzyqty da tartymdy deýge endi negiz bar. Sırk kúmbeziniń astyna qaıta kúlkige kómkergen nómirler karantın jeńildegennen keıin, óte qysqa merzimde daıyndalsa da kórermender kóńilinen shyǵyp jatyr.

Buǵan deıin de araǵa eki oryndyq salyp kóretin jáne dás­túrli túrde demalys kúnderi ótetin qoıylymǵa Ashyq júıe­simen «jasyl» mártebeli kó­rer­­mender ǵana kire alatyny eskertilgen-di. Karantındik shek­teýlerge baılanysty kórer­mender zaly tek 30 paıyzǵa ǵana adam qabyldaıdy.

Qazaq sırkiniń qandaı ja­ńalyǵy bar desek, jas áýe gım­nas­ty Irına Hramenkovanyń «Kor-de-parel» debıýti – sırk­tiń tańǵajaıyp nómirlerine qo­syldy. Irına bul ónerimen tuń­ǵysh ret arenaǵa shyǵyp tur­ǵan joq, ol oǵan deıin de elimizde gas­trolderde bolǵan. Tek al­matylyqtar ǵana bul nómirdi birinshi ret kórip otyr.

Sol sııaqty Ádilet Tı­ka­novtyń jetekshiligindegi «To­mırıs» akrobatıkalyq nó­mi­rimen me­ga­polıstiń kishkentaı óner súıer kórermenderi alǵash ret qa­ýyshyp otyr. Aıtqandaı, «To­mırıs» akrobattary jańa jyl­dyń basynda Vengrııada ótetin halyqaralyq sırk óneri fes­tıvaline qatysýǵa daıyndalyp jatyr.

Sheńberdegi áýe gımnastıkasy janryna tıesili taǵy bir premera – Anna Demıdovanyń óneri de batyl trıýkterge toly. Anna – ekvılıbr janryn­daǵy ártis. Pandemııa kezindegi da­­­ıyndyqtar sırk sań­la­ǵyn jańa sheshimder qa­byl­daý­ǵa, to­syn óner kór­setýge ıter­mele­gen.

Jańa baǵdarlamanyń prem­erasy bastalǵan kúnderi áıgili Demıdovtar sırk áý­letiniń ókili – Qazaq mem­le­kettik sırkiniń áýe gımnasty Anas­tasııa De­mıdova Bú­­kil­­reseılik «Sırk hanshaıymy» festıvaliniń qola tájin je­ńip aldy. Anastasııa arenaǵa jattyqtyrýshy-us­tazy Olga Demıdovanyń jetek­shiligimen beldiktegi áýe gım­nas­tıkasy janryn­daǵy nó­mi­rimen shyqqan bolatyn. Al «Sırk hanshaıymy» festıvali bıylǵy 18-24 qazan aralyǵynda Reseıdiń Saratov qalasynda ót­kenin, be­­deli jo­ǵary sırk óneri fes­tı­valine 13 elden 100-den as­­tam qatysýshy qatysqanyn aı­ta ketý kerek.

Sırk óneri týraly sóz qozǵap otyryp, osy kúnderi Qazaq memlekettik gımnasty Varvara Koshkına World pole sport championship 2021 pılonynda sport boıynsha Álem chempıonatynda on ekinshi orynnan tabylsa, taǵy bir ónerpazymyz Sultan Senbek Gımnastıka federasııasy prezıdentiniń Kýbogynda ekinshi orynǵa ıe boldy.

– Kez kelgen kórermendi qýan­­ta alatyn Excentriko baǵ­darlamasy sırkti saǵynǵan ba­lalar úshin ǵana emes, eresekterge de qyzyqty bolyp tur. Qazirgi sırkter kez kelgen jastaǵy kórermenge arnalǵan. Biz bul baǵdarlamada óte kúr­deli nómirlerdi usyndyq. О́ner­pazdarymyz kóbinese saqtandyrý beldiginsiz oryndalatyn trıýktermen kórermendi tań-tamasha etedi. Jańa nómirlermen birge kó­ńildi saıqymazaqtar men ba­la­­lardyń súıikti ıtteri úı­retilgen aıýlar men jylqylar bar, – deıdi Qazaq memlekettik sır­­kiniń dırektory Baqyt Bóke­baev.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar