Jarııalanǵan qujatqa sáıkes, sybaılas jemqorlyqqa qarsy qyzmettiń suraýy boıynsha izdestirilip jatqan Talǵat Ardan men Qanat Sultanbekovke QR IIM Interpol arnalary boıynsha halyqaralyq izdestirý jarııalandy.
«Talǵat Ardannyń Túrik Respýblıkasynyń aýmaǵynda bolýy týraly qolda bar aqparatqa baılanysty atalǵan quzyretti organdarǵa ony memleketke berý týraly suraý jiberildi. 15 sáýirde Túrkııanyń Interpolynan Stambýl qalasy Bakyrkeı aýdanynyń qylmystyq soty ustap berý týraly suraý salý negizinde Ardan Talǵatty qamaýǵa alý týraly qaýly shyǵarǵany týraly aqparat kelip tústi. Qazirgi ýaqytta izdestirilýshini Túrkııa aýmaǵynda anyqtaý jáne ustaý boıynsha is-sharalar júrgizilýde», delingen jaýapta.
Sonymen qatar, habarlamada Qanat Sultanbekovty izdeý týraly da aıtylǵan.
«Sondaı-aq, Sultanbekovtiń AQSh aýmaǵynda bolýyna baılanysty AQSh ádilet Mınıstrligine ony Qazaqstanǵa tapsyrý týraly suraý jiberildi. Saýal amerıkalyq taraptyń qaraýynda jatyr», dedi Ǵızat Nurdáýletov.
Eske sala ketsek, tergeý barysynda anyqtalǵan zalal somasy 5,8 mıllıard teńgeni qurady.
«Tergeý barysynda is boıynsha 45 mln teńge óteldi. О́tkizilgen is-sharalarda baǵalaý quny 3,08 mlrd teńge bolatyn Q. Sultanbekovtyń atyna tirkelgen múlik anyqtaldy. Atalǵan múlikke tergeý sotynyń 22.01.2020 jylǵy qaýlysy boıynsha tyıym salyndy. Al T. Ardanda tyıym salynatyn jáne tárkilenetin múlik tabylǵan joq», delingen habarlamada.
Qarjy monıtorıngi agenttiginiń málimetinshe, atalǵan tulǵalar men olardyń jaqyndarynan, onyń ishinde basqa elderden qandaı da bir aktıvter tabylǵan joq.
Eske sala ketsek, 2021 jylǵy 28 mamyrda Nur-Sultanda «Astana LRT»-degi urlyq týraly iske núkte qoıyldy.
«Astana LRT» kompanııasymen jumys istegen jeti eks-sheneýnik pen kompanııa qyzmetkerleri 7 jyldan 10 jylǵa deıingi merzimge sottaldy. Al «Astana LRT» JShS-niń burynǵy basqarma tóraǵasy Talǵat Ardan men elorda ákiminiń burynǵy orynbasaryna halyqaralyq izdeý jarııalandy.
