Nurbek Amangeldiuly gaz jelisi uıymdarynyń ókilderinen jalpy somasy 6,3 mln para aldy degen kúdikke ilindi. Ol 2020 jyldyń 16 qarashasynan bastap qamaýda boldy.
«Sot Nurbek Amangeldiulyn qylmys jasaǵany úshin kináli dep tanýǵa jáne memlekettik qyzmette, sýdıa, jergilikti ózin-ózi basqarý organdarynda, QR Ulttyq bankinde jáne onyń vedomstvolarynda, Qarjy naryǵy men qarjy uıymdaryn retteý, baqylaý jáne qadaǵalaý jónindegi ýákiletti organda, memlekettik uıymdar men kvazımemlekettik sektor sýbektilerinde laýazymdardy atqarý quqyǵynan ómir boıyna aıyra otyryp, qaýipsizdigi barynsha tómen qylmystyq-atqarý júıesi mekemesinde óteýmen oǵan 8 jyl bas bostandyǵynan aıyrý túrindegi jaza taǵaıyndaýǵa úkim shyǵardy», dep oqyp berdi sýdıa.
Nurbek Amangeldiuly qamaýǵa alý túrindegi bultartpaý sharasyn úkim zańdy kúshine engenge deıin sol kúıinde qaldyrdy. Bas bostandyǵynan aıyrý túrindegi jazany óteý merzimi úkim zańdy kúshine engen kúnnen bastap esepteledi.
Sot sondaı-aq «SK LTD KZ» JShS gaz jelisi uıymynyń dırektory B. B. Ýtarovqa úkim shyǵardy.
Ol QR Qylmystyq kodeksiniń 367-babynyń 2-bóliginde (Para berý) kózdelgen qylmysty jasaǵany úshin kináli dep tanylyp, eń tómengi qaýipsizdik qylmystyq-atqarý júıesi mekemesinde óteýmen úsh jylǵa deıin bas bostandyǵynan aıyrý jazasy taǵaıyndaldy.
Sot jaza taǵaıyndaý kezinde eki sottalýshyǵa qatysty zańda (QK-niń 53-baby) kózdelgen jeńildetetin mán-jaılardyń joq ekenin eskergeni habarlanady.
