Devıs kýbogyna qanshalyqty daıynbyz?

Devıs kýbogynyń reıtınginde osy úshtiktiń arasynda Kanada quramasy bárinen joǵary tur. Qazirgi kezde olar 7-oryndy ıelenýde. Úıeńki japyraqtar eli­niń ókilderi Álemdik topta toǵyz márte óner kórsetti. О́zderiniń eń zor taby­syna 2019 jyly qol jetkizdi. Osy­dan eki jyl buryn Ispanııanyń asta­nasy – Madrıdte ótken jarystyń toptyq saıysynda AQSh pen Italııany jolynan yǵystyrǵan kanadalyqtar shırek fınalda Aýstralııany utty. Jartylaı fınalda Reseıden basym tústi. Pleı-offtaǵy kezdesýlerdiń ekeýi de 2:1 esebimen aıaqtaldy. Biraq fınalda Ispanııaǵa ese jiberdi – 0:2. Osylaısha, quramynda Felıks Oje-Alıassım, Denıs Shapovalov jáne Vashek Pospıshıl bar Kanada qu­ramasy aıtýly jarysta ekinshi oryndy ıelendi.

Pıreneı túbeginde tolaǵaı tabysqa qol jetkizgen Úıeńki japyraqtar eli bıylǵy jarysta da dál sol serke oıynshylaryna senim artýdy qup kórip otyr. Búgingi tańda osy memlekettiń eń úzdik tennısshileri – Felıks Oje-Alıassım men Denıs Shapovalov. Álemdik reıtıngte ekeýi qatar tur: Felıks – 12, Denıs 13-orynda. Monreal qalasynyń týmasy Oje-Alıassım nebári 21 jasta. Soǵan qara­mastan ol sońǵy ýaqytta aıshyqty óne­rimen kózge túsip júr. Bıyl Felıks Aýs­tralııanyń ashyq birinshiliginiń tórtin­shi kezeńinde oınasa, Ýımbldonnyń shırek fınalyna shyqty. Al US Open saıysynda jartylaı fınalǵa deıin jetti.

Denıs Shapovalov ta – jastar býy­nynyń ókili. Onyń áke-sheshesi Keńes Odaǵynda týyp, keıinnen Izraılge qonys aýdardy. Denıs sol jaqta dúnıege keldi. Arada biraz jyl ótken soń Shapovalovtar otbasy Kanadaǵa kóshti. Al Denıstiń eń úzdik nátıjesi – bıyl Ýımbldonnyń jartylaı fınalyna joldama alýy. Byltyr ol AQSh-tyń ashyq birinshiliginiń shırek fınalynda kúsh synasty.

ATR reıtınginde 85-orynda turǵan Vashek Pospıshıl – Chehııanyń týmasy. 31 jastaǵy saqa sportshynyń juldyzdy sátteri artta qalǵanymen, áli de túrli týr­­nırlerge qatysyp, aıtarlyqtaı ta­bys­tarǵa qol jetkizip júr. Ásirese, ol – jup­tyq oıynnyń has sheberi. Ke­zinde Pospıshıl amerıkalyq Djek Sok­pen birge Ýımbldon týrnırinde top jardy. Sondaı-aq Kanada quramasy sa­pynda Braıden Shnýr (ATR-diń juptar reıtınginde 226-orynda) men Pıter Po­lanskı (ATR reıtınginde 284-orynda) sekildi oıynshylar bar.

Shvesııa quramasy Devıs kýbogynyń Álemdik tobynda AQSh jáne Chehııamen birge 31 márte óner kórsetti. Bul – rekord­tyq kórsetkish. Olar 12 ret fınalǵa shy­ǵyp, sonyń jeteýinde jeńimpaz atandy. Atap aıtsaq, shvedter 1975, 1984, 1985, 1987, 1994, 1997 jáne 1998 jyldary sha­shalaryna shań juqtyrmady. Biraq sońǵy kezderi olar dúnıejúzilik reıtıngte 14-oryndy qanaǵat tutýda.

Iá, kezinde Skandınavııa túbeginen Born Borg, Mats Vılander, Ioakım Nıýs­trem, Andres Per Iаrrıd, Stefan Edberg, Ionas Lars Borkman, Tomas Enkvıst jáne taǵy basqa sańlaqtardyń kóptep shyqqanyn jankúıerler jaqsy biledi. Solardyń birazy «Úlken dýylǵa» sanatyndaǵy týrnırlerdi san márte utyp, birer jyldar boıy álemdik reıtıngte jeke-dara kósh bastady. Biraq HHI ǵa­syr tabaldyryqtan attaǵannan keıin Shvesııa tennısi toqyraýǵa ushyrady. Kúni búginge deıin olar sol olqylyqtyń or­nyn toltyra almaı keledi. Búgingi tańda aıtýly eldiń eń úzdik oıynshysy 23 jastaǵy Mıkael Imer ATR tiziminde 101-oryndy enshileýde. Onyń aǵasy Elıas Imer 168-satyǵa jaıǵasqan. Andre Ioransson (ATR-diń juptar reı­tınginde 66-orynda) men Djonatan Mrıdhanyń (ATR reıtınginde 551-orynda) kórsetkishteri de kóńildegideı emes.

Búgingi tańda Devıs kýbogynyń reı­tın­ginde 17-oryndy ıelenip otyr­ǵan Qazaqstan quramasy da Pıreneı túbe­ginde qandaı quramda óner kórsete­tinin jarııa etti. Qazirgi kezdegi otan­dastarymyzdyń arasyndaǵy eń úzdik oıynshy Aleksandr Býblık ekeni málim. 24 jastaǵy tennısshi úzdikter tiziminde 34-oryndy ıelenýde. Tájirıbeli Mıhaıl Kýkýshkın men Dmıtrıı Popkoǵa da zor senim artylyp otyr. Alǵashqysy ATR reıtınginde 159-orynǵa turaqtasa, ekinshisi 162-oryndy enshileýde. Juptyq básekede Andreı Golýbev (ATR-diń jup­tar reıtınginde 35-orynda) pen Alek­sandr Nedovesov (ATR-diń juptar reı­tınginde 76-orynda) óner kórsetedi dep josparlanýda.

Jerlesterimiz Devıs kýbogynyń Álem­dik tobynda 2011 jyldan beri óner kórsetip keledi. Sol aralyqta bes ret shırek fınalǵa deıin jettik. Irik­teý týrnırinen irkilmeı ótip, alǵash ret álemniń eń úzdik komandalarymen kúsh synasý múmkindigine ıe bolǵan kez kúni keshegideı kóz aldymyzda. Pleı-off sa­ıysynyń alǵashqy aınalymynda qura­mynda Tomash Berdyh syndy sańlaǵy bar Chehııany (3:2) tize búktirip, máre-sáre bolǵan edik. Alaıda shırek fınalda Argentınaǵa (0:5) álimiz jetpedi. 2013 jyly Aýstrııadan (3:1) aılamyzdy asyrǵanymyzben, chehtar (1:3) shań qaptyryp ketti. 2014 jyly Belgııadan (3:2) basym túskenimizben, Shveısarııaǵa (2:3) ese jiberdik. 2015 jyly Italııany (3:2) qapy qaldyrǵanymyzben, Aýs­tra­lııadan (2:3) utyldyq. 2018 jyly shveı­sarııalyqtardy (4:1) san soqtyr­ǵanymyzben, Horvatııaǵa (1:3) jol berdik.

2019 jyly Madrıdte jalaýy jelbiregen jarystyń tusaýkeser kezde­sýinde Qazaqstan Nıderland quramasyn 2:1 esebimen utty. Tarqatyp aıtsaq, Mı­haıl Kýkýshkın Botık van de Zandshýlptan basym tústi – 6:2, 6:2. Alek­sandr Býblık Robın Hasege ese jiber­di – 5:7, 6:3, 6:7. Juptyq saıys bizdiń jigitterdiń paı­dasyna sheshildi – 6:4, 7:6. Kelesi oıyndy Ulybrıtanııaǵa qarsy ótkizdik. Biraq bul joly jolymyz bolmady. Ký­kýshkın Kaıl Edmýndke ese jiberdi – 3:6, 3:6. Býblık Denıel Evanstan aı­lasyn asyrdy – 5:7, 6:4, 6:1. Juptar ara­syndaǵy báseke Tumandy Albıon eli ókilderiniń jeńisimen aıaqtaldy – 6:1, 6:4. Osylaısha, óz tobynda ekinshi oryn alǵan jerlesterimiz shırek fınalǵa shyǵa almady. Al 2020 jyly koronavırýsqa baılanysty Devıs kýbogy ótpeı qaldy.

О́zderińiz baıqap otyrǵandaı, sońǵy 10 jylda Qazaqstan quramasy álemdegi eń úzdik segiz komandanyń qataryna bes ret qosyldy. Otandastarymyz úshin bul eleýli tabys ekeni sózsiz. Sebebi Álemdik topqa joldama alǵan komandalardyń sapynda únemi kileń yǵaı men syǵaı óner kórsetedi. Aralarynda ataǵy jer jarǵan juldyzdar da jeterlik. Al bizdiń eldiń quramynda eshýaqytta ondaı dúldúlder bolǵan emes. Eger ATR reıtıngine zer salsańyz, osy kúnge deıin birde-bir jerlesimizdiń «TOP-30» oıynshynyń sanatyna enbegenin ańǵaramyz. Máselen, tasy órge domalap turǵan keziniń ózinde Andreı Golýbev 33-orynnan asqan emes. Maqtaýly Mıhaıl Kýkýshkın sol mejege de jete alǵan joq. Onyń ATR-degi eń jaqsy nátıjesi – 39-oryn. Basqalarynyń kórsetkishteri de tómen. Soǵan qaramastan, otandyq tennısshilerimiz el namysy synǵa túsken sátte bir judyryq bolyp jumyla bildi. Sonyń nátıjesinde Devıs kýbogynda birsypyra myqty koman­dalardy jolymyzdan yǵystyryp, aýyz toltyryp aıtarlyqtaı tabystarǵa qol jetkizdik. Al osy joly kózdegen mejemiz – jartylaı fınal. Eger sol josparymyz júzege assa, bul Qazaqstan tennısi tarıhyndaǵy teńdessiz oqıǵa bolmaq.

Esterińizge sala keteıik, V tobyndaǵy básekeler Ispanııanyń astanasy – Madrıdte ótedi. Jerlesterimiz alǵashqy kezdesýin 27 qarashada Shvesııamen ótkizedi. Kelesi kúni Kanadamen kúsh synasady. Al ózge toptarda myna komandalar ózara sheberlik baıqasady: A t???oby – Ispanııa, Reseı jáne Ekvador. S toby – Fransııa, Ulybrıtanııa jáne Chehııa. D toby – Horvatııa, Aýstralııa jáne Majarstan. E t???oby – AQSh, Italııa jáne Kolýmbııa. F toby – Serbııa, Germanııa jáne Aýstrııa.