«2018 jyldan bastap Eýro-5 ekologııalyq standartqa aýystyryldy. Jergilikti atqarýshy organdarymen birlesip, 2030 jylǵa deıin barlyq qalalyq jolaýshylar kóligin ekologııalyq taza janarmaıǵa aýystyrýǵa qajetti jumystar júrgizilip jatyr. Avtokólik quraldarynyń normatıvtik tehnıkalyq jaı-kúıin jáne zııandy zattar shyǵaryndylary normalaryn saqtaý úshin tehnıkalyq tekserý ortalyqtarynyń jáne kólik ıeleriniń tehnıkalyq tekserýden jalǵan ótkeni úshin jaýapkershiligin kúsheıtý jumysy júrip jatyr», dedi ol Úkimet otyrysynda.
Vıse-mınıstrdiń málimeti boıynsha, 2025 jylǵa deıin barlyq tehnıkalyq normatıvter halyqaralyq standartqa sáıkestendirilip, qabyldanǵan sharalar 2030 jylǵa deıin júk kóliginiń keminde 30% jáne jeńil kólikterdiń shamamen 70% ekologııalyq taza janarmaıǵa aýystyrýǵa múmkindik beredi.
