Qınalǵanda arýaǵynan medet suraǵan jannyń tilegin qabyl etken Beket atanyń san qyryn keıingi urpaqqa nasıhattaýshynyń biri – Islam qajy Myrzabekuly. Abyzdyń kindik qany tamǵan kıeli meken – Jylyoı aýdanyndaǵy Aqmeshit qorymynda uzaq jyl shyraqshy bolǵan ol «Beket ata» kitabyn jaryqqa shyǵarǵan edi. Endi dál osy kitap aǵylshyn tiline aýdarylyp, oqyrman qolyna tıdi. 300 bettik kitaptyń taralymy – 1000 dana.
S.О́tebaev atyndaǵy Atyraý munaı jáne gaz ýnıversıtetiniń rektory Gúlzada Shakýlıkovanyń aıtýynsha, bul ıdeıany atalǵan oqý ordasynda jumys isteıtin «Bolashaq» baǵdarlamasynyń túlekteri qolǵa alypty. Birneshe shetel tilin meńgergen jastar Aqmeshit qorymyna barǵanda osyndaı sheshimge bekingen.
– Uly dala tarıhy – halqymyzdyń máńgilik murasy. Ulttyq qundylyqtar men asyl muralardy urpaqtan-urpaqqa jetkizýdi barshamyzdyń boryshymyz dep uǵynýymyz kerek. Sol sebepten ulttyq qundylyqtarymyzdy ulyqtap qana qoımaı, babalardan jetken shejireli tarıhymyzdy ózge tilde nasıhattaýdy kózdedik, – deıdi Gúlzada Shakýlıkova.
Atyraý oblysy
