Túrkistan oblysynyń turǵyny ýchaskelik polısııa qyzmetkerine qońyraý shalyp, jalǵyz kórshisi belgisiz jaǵdaılarda joǵalyp ketkenin aıtqan.
«Polısııa qyzmetkeri oqıǵa ornynan qan daqtaryn anyqtady. Belgili bolǵandaı, er adam aýladaǵy eki metr tereńdiktegi qudyq ishinde qozǵalyssyz jatqan. Máıit polısııaǵa júgingen er adamnyń kórshisi ekeni anyqtaldy», dep habarlady Túrkistan oblystyq PD baspasóz qyzmeti.
Atalǵan fakti QR QK 99-baby «Kisi óltirý» boıynsha Keles APB-niń SDTBT-ne tirkeldi.
Jedel-izdestirý is-sharalaryn júrgizý barysynda jábirlenýshiniń jıeni jedel ýákilderdiń nazaryna túsip, ustaldy.
Polısııa anyqtaǵandaı, eki týys arasynda janjal bolǵan. Nátıjesinde jıeni aǵasyn óltirip, qylmysyn jasyrý úshin máıitti qurǵaq qudyqqa laqtyryp, qashyp ketken.
Sotqa deıingi tergeý amaldary júrgizilýde. Saraptamalar taǵaıyndaldy.
