Medısına • 06 Qarasha, 2021

Almaty oblysynda ókpesi 90% qabynǵan júkti áıel jazylyp shyqty

109 ret kórsetildi

Almaty oblysynda ókpesi 90% qabynǵan áıel 47 kún jansaqtaý bóliminde jatqan, dep habarlaıdy Egemen.kz.

Almaty oblysynyń Ile aýdanynda ókpesi tolyq zaqymdanǵan júkti áıel qazir saýyǵyp shyqqan. Emdeý ekstrakorporaldy membranalyq oksıgenasııany qoldaný arqyly ótti. О́kpesi 90% zaqymdanǵan júkti áıel COVID-19 dıagnozymen Ile aýdandyq ortalyq aýrýhanasyna túsken. Aýrýhana dırektory Baýyrjan Ysqaq áıeldiń ómirin EKMO apparatynyń kómegimen aman alyp qalǵanyn aıtty.

«9 tamyzda 38-39 apta júktilik merzimi bar 27 jastaǵy áıel óte aýyr halde tústi. Oǵan shuǵyl operasııa jasap, bala aman-esen týyldy. Biraq áıeldiń jaǵdaıy nasharlady, qandy ottegimen baıytý úshin naýqasty EKMO apparatyna qosýǵa týra keldi. 31 kúnnen keıin áıel óz betinshe dem ala aldy», dedi aýrýhana basshysy.

Tórt balanyń anasy Baıansulý Amangeldıeva jansaqtaý bóliminiń medısına qyzmetkerleriniń kómegimen qaıtadan óz betinshe dem alyp, qozǵalatyn halge jetken.

«Men 47 kún reanımasııada jattym. Sol kezdegi bar armanym balalarymdy qaıtadan kórý boldy. Aýyrmaı turyp qoǵamdyq orynda júrgende betperde kımeıtinmin, ol kezde betperdemen aýa jetpeıtin sııaqty kóringen edi. Indet juqtyryp, dem jetpeı, tynysym tarylǵan kezde, saqtyq sharalaryn saqtamaǵanyma ókindim. О́zimniń beıqamdyǵym saldarynan aýrýhanaǵa túsip, týystarym men dárigerlerdi áýre-sarsańǵa saldym. Búginde qulan-taza aıyǵyp, otbasyma oraldym. Baryn salyp, meni emdep shyqqan aq halattylarǵa alǵysym sheksiz», deıdi ol.

Aıta keteıik, naýqas aýrýhanada 58 kún boıy em alǵan. Onyń 47 kúnin reanımasııada ótkizgen. Odan bólek, Ile aýdanyndyq aýrýhanasynyń dárigerleri ókpesi 80% qabynǵan 5 júkti áıeldi indetten aman alyp shyqqan.

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar