О́tken demalys kúnderi -45-ten -80 gradýsqa deıingi temperatýrada jumys isteıtin eki muzdatqysh jetkizildi. Vaksına egý kabınetterine arnaıy termokonteınerlermen jetkiziledi.
«Birinshi kezeńde jasóspirimder men júkti áıelderdi Pfizer vaksınasymen vaksınasııalaý tek medısınalyq uıymdar janyndaǵy ekpe pýnkterinde josparlanǵan. Pfizer qalanyń medısınalyq mekemelerine túskeni týraly qosymsha habarlanatyn bolady.
Qala boıynsha barlyǵy 90-nan astam vaksınasııa pýnkti jumys isteıdi, sondaı-aq eńbek ujymdaryn vaksınasııalaý úshin kóshpeli brıgadalar jumysyn jalǵastyrýda», delingen ákimdik habarlamasynda.
Aıta keteıik, búginde elordada KVI vaksınasynyń birinshi komponentin 453 myńǵa jýyq adam aldy, 418 myńnan astam azamat tolyq ımmýndaýdan ótti.
