Qoǵam • 09 Qarasha, 2021

30 ıgi is aıasynda muqtaj otbasylarǵa úı syılady

41 ret kórsetildi

«Baı bolsań – elge paıdań tısin...» degen qazaqtyń ejelgi támsilin búgingi kezeńniń qaltaly azamattaryna qarata aıtýǵa ábden bolady. О́ıtkeni el ishinde aınalasyndaǵy joq-jitikke qaraılasyp, qaıyrym jasap júrgen mesenattar jetkilikti.

Ásirese, baspana muqtaj­dyǵyn tartyp júrgen kópbalaly otbasylarǵa qarasyp, úı satyp alyp berip júrgen kásip­kerlerdiń isine súısinesiń. Mun­daı ıgilikti bastama sońǵy birer jyl kóleminde Jetisý jerinde jandanyp, jalǵasyn taýyp otyrǵany jáne qýanysh. Derek boıynsha, sońǵy eki jyl ishinde ǵana Almaty oblysynyń jeke kásipkerleri óz qarjysyna eki júzge jýyq baspana satyp alyp, úısiz júrgen otbasylarǵa tegin syılaǵan bolatyn.

Kúni keshe osy qaıyrymdylyq kerýeni Panfılov aýdanyn­da jalǵasty. Aýdandyq máslı­hat depýtaty, «Ernar» sharýa qoja­lyǵynyń basshysy, mesenat Oljas Japparqul birden tórt otba­syna baspana kiltin tapsyrdy. Aıtpaqshy, «Aýyl» partııasynyń atynan aýdandyq máslıhat depýtaty bolyp saı­lanǵan mesenat buǵan deıin de áleýmettik jaǵdaıy tómen otba­sylaryna qolushyn sozyp kelgen eken. Onyń ishinde baspanaǵa muq­taj 6 áýlet qaıyrymdy jan­nyń qolynan jeke úıdiń kiltin alyp­ty. Iаǵnı aýyldan shyqqan kásip­ker osymen 10 otbasynyń bas­pana máselesin bir ózi sheshken.

– «Aýyl» halyqtyq-demo­kratııalyq patrıottyq partııa­sy el Táýelsizdiginiń 30 jyl­dyǵyna oraı «30 ıgi is» aksııa­syn bastaǵan bolatyn. Osynyń aıasynda partııalyq tizimmen saılanǵan depýtattar jergilikti jerde qaıyrymdylyq shara­laryn qolǵa alýda. Búgin árip­tesimiz, Panfılov aýdandyq más­lıhatynyń depýtaty Oljas Japarquldyń baspanaǵa muqtaj adamdarǵa turǵyn úı kiltin tabystaý saltanatyna kýá boldyq. Sonymen qatar biz partııalas serigimiz basqaratyn «Ernar» sharýa qojalyǵynyń tynys-tirshiligimen tanystyq. Jalpy, «Aýyl» partııasy  óńirdegi sha­rýa­­­shylyqtarda jumys isteı­­tin tur­ǵyndarmen kezdesip, aýyl­dyń áleýmettik problemasyn zer­­­de­lep, turǵyndardyń muń-muq­­ta­jyn tyńdaýdy maqsat etip otyr­­myz. Sol arqyly agro­óne­r­­kásip keshenin damytý boıynsha usy­nystar ázirleıtin bola­myz, – deıdi «Aýyl» halyq­tyq-de­­mo­kratııalyq patrıottyq partııa­synyń hatshysy Anas Baqqojaev.

Jalpy, kásipker Oljas Japar­­qul aýyl turǵyndarynyń qam­syz tirlik keshýi úshin qoly­nan is keletin azamattar aıanbaýy kerek dep sanaıdy. Sol sebep­t­en de ol retin taýyp, qaıy­­rym­dylyq sharasyn ótkizýdi jıi­letýge tyrysady eken. Osy­ǵan deıin 6 otbasyna baspana syı­laǵanyn aıttyq. Olardyń deni mesenattyń «Ernar» sharýa qojalyǵynda eńbek etedi. Al kásipker satyp alyp bergen baspanalar aýyl­daǵy eńseli úılerdiń qatarynan kórinedi. Mysaly, keshe kiltin tapsyrǵan bir úıdiń 5 bólmesi bar, jalpy aýmaǵy 114 sharshy metr shamasynda. Oǵan qosa úıdiń ishin turmysqa qajetti jıhazben jabdyqtap, úı mańyndaǵy jer tilimin de jańa qojaıynnyń atyna rásimdep beripti. Qazirgi kúni sharýa qojalyǵynda 126 adam jumys istep, nápaqasyn taýyp júr. Egin egip, mal ósirip otyrǵan qojalyqtyń tabysy jyldan-jylǵa artyp keledi.

– Bizdiń «Aýyl» partııasy el Táýelsizdiginiń 30 jyldyǵyna oraı «30 ıgi is» sharasyn qolǵa alǵan bolatyn. Sol aıtýly aksııanyń Panfılov aýdanynan bastalǵanyn jaqsy yrymǵa joryp turmyz. Bul joly bizdiń qojalyqtyń jumysshylaryna turǵyn úı syıladyq. Olardyń 5-6 balasy bar, baspanasyz júr­gen edi. Qýanyp jatyr. Jalpy, men adal eńbek etip júrgen azamattardyń muqtaj­dy­ǵyn qoldan kelgenshe sheship berýge tyrysamyn. Munan keıin adam­nyń mereıi tasyp, eńbegi óne­tin bolady. Búgin kóppen birge 4 úıdiń kiltin tapsyrdyq. Mundaı ıgi is áli de jalǵasyn tabady, – deıdi Panfılov aýdandyq más­lıhatynyń depýtaty, «Ernar» sharýa qojalyǵynyń basshysy, mesenat Oljas Japarqul.

 

Almaty oblysy

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar