Polisia.kz málimetinshe, Túrkistan QPB-ǵa jergilikti turǵyn páter urlyǵy týraly aryzdanǵan. Jábirlenýshiniń aıtýynsha, onyń úıine tereze arqyly belgisiz bireý kirip, quny 100 myń teńge turatyn tigin mashınasyn urlap ketken. Atalǵan jaıt QR QK-niń 188-baby (Urlyq) boıynsha tirkelgen.
Urlyqty ashý maqsatynda túrkistandyq tájirıbeli polısııa qyzmetkerlerinen jedel-tergeý toby quryldy. Jedel ýákilder qajetti is-sharalar keshenin júrgizip, jaqyn mańdaǵy aýmaqtardy aralap, kýálardan surastyrdy, sondaı-aq beınebaqylaý kameralaryn tekserdi.
Birshama ýaqyttan keıin jedel-izdestirý is-sharasy nátıjesinde Túrkistan QPB-nyń qyzmetkerleri kúdikti retinde jergilikti turǵyndy quryqtady. Tergeý barysynda kúdiktiniń osyndaı 14 páter urlyǵyn jasaǵany anyqtaldy. Qoldy bolǵan zattardyń barlyǵy aıǵaqty zat retinde tárkilenip alynyp, zańdy ıelerine qaıtaryldy.
Qazirgi ýaqytta atalǵan jaıttar boıynsha sotqa deıingi tergeý amaldary júrgizilip, qylmystyq is aıyptaý aktisimen sotqa joldandy. Kúdikti qamaýǵa alyndy.
О́z kezeginde, Túrkistan oblysynyń polıseıleri azamattarǵa saq bolý kerektigin jáne óz úılerin qaraýsyz qaldyrmaý qajettigin eskertedi.
