Bul týraly «Nasha gazeta» saıty jazady.
«Sarykól aýdanynyń polısııa bastyǵy Qaırat Ábdiqalyqov jumystan shyǵýǵa aryz jazyp, otstavkaǵa ketti», dep habarlady Qostanaı oblysy polısııa departamenti bastyǵynyń orynbasary Ardaq Yntyqbaev.
Basylymnyń málimetinshe, onyń jumystan shyǵýyna polıseıdiń SsangYoung jol talǵamaıtyn kóliginde Chevrolet Niva-daǵy 787 ELA 10 nómiri baıqalǵany áser etken, bir nusqa boıynsha bul sol aýdannyń prokýrory Asqar Syzdyqovtyń qyzmettik kóligi bolýy múmkin. Al ol kólikte 044 QR 10 nómiri baıqalǵan.
Qyzmettik tergeý qorytyndysyna saı, PD basshysynyń orynbasary aıtýynsha SsangYoung júrgizýshisin anyqtaı almaǵan.
«Vıdeoda kórsetilgen sýretterde kólik júrgizýshisiniń bet-álpeti anyq emes, sondyqtan onyń Ábdihalyqov nemese onyń júrgizýshisi ekenin dáleldeý qıyn. Kólikti tintý kezinde jalǵan nómirler de tabylǵan joq. Júrgizýshi men polısııa basqarmasynyń bastyǵy óz kinásin moıyndamady», deıdi Yntyqbaev.
Memlekettik qyzmetkerdiń etıka kodeksin buzǵany úshin júrgizýshi men polısııa basqarmasynyń bastyǵy qyzmetinen bosatýǵa deıin qatań tártiptik jaýapkershilikke tartyldy.
