«Balalardy vaksınasııalaý ádette oqý ornyndaǵy ekpe pýnktterinde, ıaǵnı bilim berý uıymdarynda júrgizilip keldi. Koronavırýs ınfeksııasyna qarsy vaksınasııa da jasóspirimderdiń, kámeletke tolmaǵandardyń ata-anasynyń nemese ózge de zańdy ókilderiniń aqparattyq kelisiminen keıin bilim berý uıymdarynda júzege asyrylady», dedi mınıstr.
Osy rette Alekseı Soı oblystardyń, Almaty, Nur-Sultan, Shymkent qalalarynyń ákimdikteri Aqparat jáne qoǵamdyq damý, Bilim jáne ǵylym, Densaýlyq saqtaý mınıstrlikterimen birge KVI-ge qarsy vaksınasııalaý máselesi boıynsha jasóspirimderdiń, kámeletke tolmaǵandardyń ata-anasyn nemese ózge de zańdy ókilderin, pedagogterdi aqparattandyrýy qajettigin aıtty.
Buqaralyq aqparat quraldaryn, áleýmettik jelilerdi tarta otyryp, KVI-ge qarsy vaksınasııa máselesi boıynsha halyq arasynda keńinen aqparattyq-túsindirý jumystaryn júrgizý kerektigin atap ótti.
«Oblystardyń, Almaty, Nur-Sultan, Shymkent qalalarynyń ákimderi sanıtarlyq normalarǵa sáıkes ekpe pýnktterin daıyndaýy, vaksınanyń birinshi toptamasy jetkizilgenge deıin tońazytqyshtardy ornatýy, vaksınany tasymaldaý, saqtaý jáne qoldaný erejesin saqtaýy, medısına qyzmetkerlerin daıyndaýy tıis», dedi ol.
