Osylaısha, járdemaqy aı saıyn aǵymdaǵy aı úshin jáne ony alý quqyǵy týyndaǵan kúnnen bastap járdemaqy taǵaıyndalǵan sharttardy saqtaý kezeńine tólenedi.
Kútim jasalatyn adam qaıtys bolǵan jaǵdaıda járdemaqy qaıtys bolǵan aıyna qosa tólenedi.
Alýshy, sondaı-aq kútim jasaý júzege asyrylatyn adam elden tys jerlerge turaqty turýǵa ketken jaǵdaıda járdemaqy tóleý ketken aıyn qosa alǵanda júrgiziledi.
Kútimdi júzege asyratyn adam aýysqan jaǵdaıda járdemaqy aýysym kúni boıynsha tólenedi.
Járdemaqy taǵaıyndaý úshin «Azamattarǵa arnalǵan úkimet» memlekettik korporasııasy arqyly ótinishpen júginip, memlekettik qyzmet kórsetý úshin qajetti qujattardy qosa berý qajet.
Múgedektik alǵash ret belgilengen kezde múgedektigi boıynsha járdemaqy taǵaıyndaý úshin ótinish berý qajet, ony kútim jasaýǵa quqyǵy bar adamdar turǵylyqty jeri boıynsha MÁS bólimshesine ótinishpen júgine alady.
Qujattardy tapsyrǵan kezde ótinish berýshige:
- Memlekettik korporasııada - tıisti qujattardyń qabyldanǵany týraly qolhat beriledi;
- Vedomstvoda - tirkelgen kúni jáne memlekettik qyzmetti alatyn kúni, qujattardy qabyldaǵan adamnyń tegi men aty-jóni kórsetilgen ótinishtiń úzbeli talony;
- Portal arqyly - ótinish berýshiniń «Jeke kabınetinde» memlekettik qyzmet kórsetý úshin suraý salýdyń qabyldanǵany týraly mártebe kórsetiledi.
Bul rette «Halyq qaharmany», «Qazaqstannyń Eńbek Eri» ataǵyna ıe bolǵan, sondaı-aq kútimdi júzege asyratyn adamdarǵa járdemaqy taǵaıyndaý týraly ótinishti usyný proaktıvti kórsetiletin qyzmet arqyly járdemaqy taǵaıyndaý kezinde talap etilmeıdi.
Bul adamdarǵa járdemaqy taǵaıyndaý úshin portalda uıaly baılanys telefon nómirin tirkeý jetkilikti. Telefon nómirine Eńbek jáne halyqty áleýmettik qorǵaý mınıstrliginiń «E-maket» aqparattyq júıesi arqyly járdemaqy taǵaıyndaý týraly habarlama jiberiledi.
Proaktıvti qyzmet kórsetýge kelisim alǵannan keıin telefon nómirine bank shotynyń nómirin rastaý nemese usyný týraly habarlama jiberiledi.
Proaktıvti kórsetiletin qyzmet arqyly járdemaqy taǵaıyndaýǵa ótinish jasalǵan kún járdemaqy taǵaıyndaýǵa kelisim berilgen kún bolyp esepteledi.
Alýshydan sms-habarlama jiberilgen kúnnen bastap 3 kúntizbelik kún ishinde jaýap bolmaǵan jaǵdaıda proaktıvti qyzmet kórsetý prosesi aıaqtalady.
Is-áreketke qabiletsiz, is-áreketke qabileti shekteýli nemese qorǵanshylyqqa nemese qamqorshylyqqa muqtaj adamdarǵa járdemaqy taǵaıyndaý úshin ótinishti jáne qajetti qujattardy olardyń zańdy ókilderi beredi. Járdemaqy taǵaıyndaý úshin ótinishti úshinshi tulǵalar senimhat boıynsha beredi.
О́tinish berýshi járdemaqy taǵaıyndaý úshin Memlekettik korporasııanyń bólimshesine júgingen kezde ótinish berýshide járdemaqy taǵaıyndaý nemese taǵaıyndaýǵa ótinish berý faktisiniń bolýyna, sondaı-aq ótinish berýshide jeke kómekshi qyzmetin usyný faktisiniń bolýyna (kútim jasaıtyn adamǵa járdemaqy taǵaıyndaý úshin) tekserý júrgiziledi.
Tıisti tólemdi taǵaıyndaý nemese járdemaqy taǵaıyndaýǵa ótinish berý faktisin rastaıtyn málimetterdi, sondaı-aq ýákiletti memlekettik organnyń aqparattyq júıesinen jeke kómekshiniń qyzmetin usyný faktisin rastaıtyn málimetterdi (kútim jasaıtyn adamǵa járdemaqy taǵaıyndaý úshin) alǵan kezde ótinish berýshige ótinishti qabyldaýdan bas tartý týraly qolhat beriledi.
О́tinish berýshi Memlekettik kórsetiletin qyzmet standartynda kózdelgen qujattar toptamasyn tolyq usynbaǵan nemese qoldanylý merzimi ótip ketken qujattardy usynǵan nemese memlekettik qyzmetti kórsetý úshin qajetti málimetter bolmaǵan jaǵdaıda, Memlekettik korporasııanyń qyzmetkeri qujattardy qabyldaǵan kúnnen bastap eki jumys kúni ishinde ótinish berýshige qujattar toptamasynyń qandaı talaptarǵa sáıkes kelmeıtinin jáne ony sáıkes keltirý merzimderin kórsete otyryp habarlama jiberedi. Osy kezeńde memlekettik qyzmet kórsetý toqtatylady.
Habarlamada kórsetilgen qujattardy sáıkes keltirý merzimi eki jumys kúnin quraıdy.
Eger ótinish berýshi habarlamany alǵan kúnnen bastap eki jumys kúni ishinde ony talaptarǵa sáıkes keltirmegen jaǵdaıda, oǵan ótinishti qabyldaýdan bas tartý týraly qolhat beriledi.
Qujattardyń elektrondyq kóshirmeleri Memlekettik korporasııa bólimshesi mamanynyń ESQ-men kýálandyrylady, odan keıin ótinish berýshi usynǵan ótinish pen qujattar túpnusqada ótinish berýshige qaıtarylady.
Aldyn ala sheshim boıynsha ótinish berýshiniń qarsylyǵyn járdemaqy taǵaıyndaý jónindegi ýákiletti organnyń oryndaýshysy ony alǵan kúnnen bastap bir jumys kúni ishinde qabyldaıdy.
Tyńdaý nátıjeleri boıynsha járdemaqy taǵaıyndaý jónindegi ýákiletti organ járdemaqy taǵaıyndaý (taǵaıyndaýdan bas tartý) týraly sheshim qabyldaıdy.
Qalyptastyrylǵan IEM járdemaqy taǵaıyndaý (ózgertý, taǵaıyndaýdan bas tartý) týraly sheshim qabyldaý úshin Memlekettik korporasııanyń fılıaly arqyly járdemaqy taǵaıyndaý jónindegi ýákiletti organǵa jiberiledi.
Arnaýly memlekettik járdemaqy - járdemaqyǵa quqyǵy bar azamattarǵa járdemaqylardyń ózge túrlerine qaramastan beriletin aqshalaı tólem.
Buıryq 2021 jylǵy 2 qarashadan bastap qoldanysqa engiziledi.
